呢晚又再次係九龍城浦頭搵食. 另一半感冒所以唔可以食泰國野, 要食d清淡少少既. 行來行去都冇乜頭緒, 點知竟然比我誤打誤撞搵到呢間聞名巳久既'大婆牛肉面'.
記得上次買左本食家李純恩既'食在香港', 提到呢間牛肉面店係佢老婆開既, 講到d牛肉勁好食. 所以第一次幫襯,乜都唔洗睇,梗係指定食碗牛肉面($38)先啦.
- 1月 26 週六 200819:30
搵食篇 - 大婆牛肉面
呢晚又再次係九龍城浦頭搵食. 另一半感冒所以唔可以食泰國野, 要食d清淡少少既. 行來行去都冇乜頭緒, 點知竟然比我誤打誤撞搵到呢間聞名巳久既'大婆牛肉面'.
記得上次買左本食家李純恩既'食在香港', 提到呢間牛肉面店係佢老婆開既, 講到d牛肉勁好食. 所以第一次幫襯,乜都唔洗睇,梗係指定食碗牛肉面($38)先啦.
- 1月 15 週二 200821:34
搵食篇 - 地茂館甜品
是夜寒流襲港,食完飯2個人凍冰冰忽然想挑戰腸胃,搵d凍野食.
行來行去,食cake都係唔夠凍,所以就向中式甜品埋手.
見好耐未食過地茂館,近近地就呢間啦.
- 1月 15 週二 200812:40
搵食篇 - 鳥燒居
呢日中午同老闆係尖咀見完客,順便就地食埋lunch了.老闆帶左我去一富豪酒店入面一家好似好隱蔽既日式居酒屋.門口好似好靜,點知一入到去,就好似去左日本一樣! 牆上面貼滿日文推介菜式,入面既全部都係日本人係度食飯,有單拖西裝友,有一堆堆著哂日本公司風褸既,各有不同.唯一其通點就係: 全部都係日本男人. 連店老闆都係日本男人. 唔講唔知原來呢間居酒屋都有十幾年歷史.
好彩入面有2-3個阿姐係識中文.
午餐全部都係好日式既定食, 有親子蓋飯,炸豬排飯...等等. 我老闆推介漢堡扒定食係最正, 咁當然要點來試下了.
- 1月 13 週日 200819:11
東南亞菜 - 金寶泰國餐廳
是夜同另一半搵食搵到去九龍塘. 九龍塘最出名食泰國菜,雖然成條街滿佈泰國菜館,但好食個幾間都圍滿哂人.行左半個鐘,左揀右揀,最後都係幫襯最出名最多名人幫襯既金寶.
係金寶食野特別在除左d枱勁窄,窄到同隔離枱既距離同搭枱冇乜分別之外, 最特別係你可以叫下泰國野食下又可以叫下越南野試.
食泰國野梗係想食咖哩, 但自己本身又唔食得辣, 所以個度既阿姐就叫我試下越南咖哩. 越南都有咖哩? 不過算了,既然阿姐推介到而且又話唔辣就叫來試下了.
- 1月 09 週三 200817:22
搵食篇 - The Spaghetti House
是夜約左個久未見面既好友傾下計談下心,地點又係最方便大家既又一城. 又一城好多餐廳都試過,所以今次試下頂樓比較大眾化既意粉屋.
一直都覺得意粉屋其實就好似pizza hut既upgrade版一樣. 佢有一樣好處就係有好多款2人餐,價錢由百幾至4百幾都有, 任君選擇.呢晚同好友食, 就食個中價既套餐A ($268):
- 1月 05 週六 200816:10
搵食篇 - 九記牛腩
相信鐘意食野既朋友都一定食過中環九記既牛腩. 仲記得當年朋友介紹第一次食時簡直驚為天人既一刻. 之後雖然唔係成日去,不過近期去過幾次都係失望而回,有感水準下降了不少. 呢日同另一半講起,另一半未試過,所以特登放工一齊去食.
- 1月 02 週三 200818:39
搵食篇 - 錦
不久前見到雜誌介紹過呢間係淘大剛剛開張既日本料理店,見風評不錯,一直都想試.呢日2個人無無聊聊又係淘大行來行去,終於比我見到呢間野.6點幾都冇乜人,可能因為鋪頭真係太偏僻關係.
入到去到見餐牌散叫唔係太多選擇.不過第一次試,梗係散叫d,餐又叫d啦.所以我地2個人叫左:
- 1月 02 週三 200812:30
東南亞菜 - 韓國屋
呢日去左朗豪坊搵野食,雖然知道有好出名既pepper lunch, 不過冇試到, 因為另一半嚷住肚餓,所以見到韓國屋d飯咁大盤就要食呢間.
2個人叫左一個飯一個烏冬share來食:
- 1月 01 週二 200818:20
搵食篇 - 沙田IKEA
自從睇完蘇絲黃個節目介紹過呢間IKEA既肉丸之後,成日都想去試下,睇下有幾咁好食. 奈何係沙田咁遠,始終都冇機會. 趁住呢日陪另一半來沙田睇完馬之後就順道嚷住要來食,終於都一嘗所願~
呢個10粒既肉丸賣$19其實都算抵,仲有2舊新薯伴碟, 一個女仔當lunch其實都夠.肉丸係牛肉混豬肉,口感彈牙不錯.不過可以之前期望過高,食落又唔太大驚喜咋wor.醬汁冇咩特別,因為食丸時粒丸既味巳十分濃郁,遮蓋哂汁既味道.但加埋伴碟既果jam又好對味wor. 新薯不錯,唔會好粉.
- 1月 01 週二 200812:14
搵食篇 - Pizza Hut
Pizza Hut雖然成日都食,元旦仲食pizza hut好似有點兒那個. 不過見到佢做promote話有AIG信用card可以半價食到個超豐富既2人套餐,另一半鐘意食pizza, 所以心郁郁就去試了.
雖然元旦日,不過12點幾都冇咩人,可以因為d人前一晚玩到未起身掛.
入到去二話不說梗係要個信用卡2人餐啦:
本港食評 (7)