呢日去左朗豪坊搵野食,雖然知道有好出名既pepper lunch, 不過冇試到, 因為另一半嚷住肚餓,所以見到韓國屋d飯咁大盤就要食呢間.
2個人叫左一個飯一個烏冬share來食:
牛肉雜錦烏冬鍋($48)
份量真係幾大,牛肉有d老,不過尚可接受.泡菜比較多,不過又唔係好辣咋wor,偏酸多一點.烏冬屬一般貨式,唔係好好食,但都合格. 不過冬天食完呢個鍋確係暖烘烘,感覺十分不錯.
韓式雜錦併盤飯($45)
呢個可算係韓式肉類大雜燴.有雞有豬有炒粉絲仲有一大堆泡菜伴碟.豬肉不錯但有點韌 .雞肉好好食,唔會好乾,伴埋汁食一流.仲有一堆仔我最鐘意既韓式炒粉絲, 不過做得麻麻,炒得好碎好散.
如果講美食廣場類型,呢間都算唔錯.不過朗豪坊有咁多野食,下次來到都想試下其他野.
韓國屋
旺角亞皆老街8號朗豪坊L4-F3鋪
文章標籤
全站熱搜
本港食評 (7)