Marshy is addicted to Food

這晚另一半著得好靚仔地來德福同我吃晚飯. 另一半說最近喜歡吃日本料理, 所以是晚去了魚一丁. 另一半今晚很突然想接觸下酒精, 就點了最少酒精既梅酒試下. 前: 梅酒葡萄 後: 梅酒青檸 (各:$18) 我點的是葡萄,飲落其實好甜, 冇咩酒味, 只有一點點甘味, 好易入口. 一丁拉面沙律 ($65) 魚一丁招牌菜. 面條依然好彈牙,配埋芝麻醬好惹味; 蕃茄粒同生菜片都好新鮮爽口, 此菜式來魚一丁都必點. 燒牛肉飯 ($78) 牛肉飯很大碗, 牛肉雖然只是普通貨色, 甚至有點點硬, 不過加了濃濃的醬汁後又是另一回事, 令人很快又掃清一碗. 不過份量真係幾多, 2個人食就剛剛好. 原隻魷魚燒($65) 上枱都幾大隻. 之前食過和民既, 細隻過呢度,不過燒得冇呢度咁熟,食落都頗彈牙. 不過因為和民係用蛋黃醬伴碟, 而呢度就係用日式醬油,咸dd, 感覺好似用蛋黃醬香口d. 自家製芝士免治雞肉($60) 白雪雪既一層芝士焗得香噴噴的, 從中間一切開, 嘩! 原來中間仲藏左一隻生蛋向四方八面流出蛋汁. 雞肉算嫩口, 加了雞軟骨係入面令雞肉更有趙口. 魚一丁一向係連鎖日式料理店入面既水準都不錯, 只是價格也是一向的貴... 魚一丁刺身居酒屋 Iccho Japanese Rstaurant 九龍灣偉業街33號德福廣場2期612-614號舖 tel: 2331 8382