Marshy is addicted to Food

MEGABOX呢期做緊多啦A夢主題, 所以呢個星期日就去影下相行下. 又係食飯時間, FOODCOURT同比較大眾化既餐廳都大排長龍, 正在煩食咩好既時候, 見到呢間日本料理好似唔洗點等位WOR, 就試下啦. 入到去原來好多人都食鐵板燒WOR, 不過望望餐牌, 嘩...平均都要1000蚊一個二人餐, 都係下次有錢先啦. 所以我地只係坐普通TABLE食日本料理. 不過呢度既裝修都不錯, 我地坐左係個大魚缸前面, 內裡有2條金色既應該是錦鯉吧? 很漂亮. 我地2個人叫左: 軟殼蟹牛油果沙律($70) 軟殼蟹有4大件. 雖然是炸的, 但不是很油膩, 很香口. 牛油果薄切了數片, 略微不太夠. 菜很多很新鮮, 醬汁酸酸甜甜的很開胃. 十分不錯. 汁燒鰻魚($70) 估唔到有2大片. 鰻魚很肥美, 醬汁亦很濃郁. 不過另一半說吃到有點腥, 但我又不太覺得, 還可接受啦. 說是這樣說, 但最後還是很快的掃清光. 鐵板海鮮炒烏冬($70) 雖然不能吃到鐵板燒, 但也點了一道鐵板料理嘗嘗. 份量不算很多, 不過海鮮配料很足, 有蝦有尤魚有魚, 烏冬尚算彈牙, 配上不少的芽菜椰菜絲吃真的一絕. 值得一吃再吃. 燒牛舌串($38) 這裡的牛舌不是很大片, 吃下去肉質不是十分彈牙, 尚算OK. 稻庭冷烏冬($65) 說實在的係香港真的沒有一間稻庭烏冬是真正做得好的. 不過這家做的居然跟我在日本吃的有9成相似, 真的太高興了!!! 雖然份量不算多, 但貴精不貴多, 每條吃下去都很滿足. 煙煙UN UN的面條吃下去很有咬勁, 配上調得剛剛好的醬油, 不消5分鐘巳被我清掉了. 這家餐廳雖然位於MEGABOX地下比較角落的位置, 而且價錢比較貴, 不過食物的質素實在不錯呀~ 為了那個稻庭烏冬, 我會再來的!!! 和光鐵板燒日本料理 Tokyo Wako 九龍灣宏照道38號MegaBox 地下21號舖 TEL: 2359 0090