Marshy is addicted to Food

今次又係食壽司, 不過試下第二間新野. 呢間一壽司最出名莫過於當年尖沙咀店剛開業時大事報導有個勁大魚缸. 呢晚去既係銅鑼灣分店, 店舖比尖咀的細, 不過格局還是一樣. 食壽司前照例先點一些前菜小吃 最經典一定點的當然是蟹籽沙律($20) 用平碟裝得高高的, 令人忍不住要馬上吃掉免得'整座山'掉去來. 面頭鋪滿格格沙律醬,幾花心思. 這裡的蟹柳絲份量很多, 反而青瓜偏少, 啖啖都係肉既質感, 雖然不是清爽的感覺, 但有種豐腴既口感. 彩虹露旬($35) 上枱原來十分細碟, 露旬好像迷你裝一樣. 不算是十分新鮮的旬, 不過沒有老得吃下去滿口渣就是了. 只是過一過口癮, 其實可以不點的. 荔枝西柚特飲($20) 還是普通的lotte牌罐裝味道. 不過唔知點解呢隻有少少苦味, 好似混左d酒精係入面, 不過佢又冇講係有酒精wor, 真係奇怪. 又係壽司時間: (由上至下, 順時針方向)三文魚三食($22), 蟹棒($14), 燒汁三文魚腩($22) 三文魚三食每件都有唔同既味道, 我吃了加了醬的一舊,味道不是很特別, 醬也起不了什麼作用, 還是普通三文魚一舊; 蟹棒普通水準, 不太夠肥美 燒汁三文魚腩反而燒得很香口, 入口油脂滿佈口腔,三文魚很嫩滑, 值得一試. 海膽蟹籽($20) 一般壽司店都會把海膽併三文魚籽的, 不過這裡就用蟹籽來代替. 吃下去蟹籽很脆混埋海膽一起吃的確有些新意, 不過如果比我選, 我還是想海膽位三文魚籽, 因為個人不太喜歡蟹籽太細粒,吃下去一堆的周圍係口腔內的感覺.... 金龍之卷(蝦天婦羅,三文魚,牛油果)($28) 賣相確實不錯的. 蝦天婦羅出奇地比我想像中要脆, 反而牛油果同三文魚都不是重點了. 蘇聯貝魯嘉魚子 + 牡丹蝦($35) 另一半唔食蝦, 所以豪一豪叫呢個一碟只有一件既極口壽司嘆下. 牡丹蝦果然是十分大隻,多肉又肥美. 一啖吃下去, 反而完全吃不到魚子的味道, 只有很強烈的鮮蝦味道. 不要忘記蝦頭也有一舊好肥美的肉, 不過蝦膏就欠奉. 海膽手卷 手卷不是很大個, 不過海膽也蠻多的. 海膽味道不是很強烈,不算十分好的海膽但也算是合格. 特長海鰻壽司 這個海鰻壽司加了芝麻係面, 吃下去多了一份香口感. 而且肉質也算是肥美, 不錯. 試過呢間驚喜不是太多不過水準還是有的. 一壽司 Sushi One 銅鑼灣禮頓道29號地下 tel: 3188 0083