Marshy is addicted to Food

新年快樂!! 大年初一正當大家都同屋企人去拜年飲茶食中菜之際,我同妹妹就一反傳統去食壽司. 新年最好就係非中菜類永遠都唔洗排隊. 今年新年比以往都冷,但反而有番d新年氣氛. 凍冰冰梗係想食d熱辣辣既野食啦, 所以就叫了個山形牛肉鍋($48)+ 烏冬($12) 雖然鍋細細,但材料都幾多,都好夠細食既2個女仔share.牛肉先唔到理佢係咪山形啦,反正不會太老,水準一般都好好了;烏冬雖然話係手打,但睇落唔係好似wor, 不過食落偏粗都ok彈牙的. 海膽壽司 + 三文魚子壽司(各$35) 海膽好唔新鮮,一pat pat的,以後可以不點; 三文魚子還可以, 不過份量極之少,口感不太夠. 鹽燒靖魚($42) 都說靖魚係我的最愛, 所以每次食日本料理都必點的. 呢間既靖魚偏乾身,有點鞋口,好一般的水準. 來多碟三文魚壽司($12) 反而呢碟三文魚壽司最有驚喜. 以咁平既價錢居然有3舊,而且三文魚既質素都十分之不錯,油脂分怖算平均入口都有點兒溶化既感覺. 最後試下個和牛壽司($35) 呢個純粹係貪得意點來試下.因為生和牛說實在都沒有幾個人可以同我share來食,難得妹妹唔怕就試下了. 不過呢個和牛食落完全冇味,仲要有一陣雪味, 所以下次可以不點了. 其實目黑都唔係第一次食,感覺都係冇峄壽司好食,但當然還是比元碌好. 目黑壽司 Meguro Sushi 九龍灣宏照道38號企業廣場3期MegaBox10 tel: 2359 0084