Marshy is addicted to Food

年初二同家姐姐夫屋企人食飯,家姐有b所以唔可以去得遠,就去左佢地屋企下面奧海城既雪園食上海菜. 一行11個剛好一圍枱.點菜既責任依然落係我家姐身上. 先來一個大家都最喜愛點既雞絲粉皮. 青瓜不是太多,少了點清爽感覺;雞絲不錯,麻醬不是太多,所以唔會好膩; 只是粉皮切得幼身左少少. 上海菜點少得我最愛既賽螃蟹 蛋白炒得好嫩滑,唔會好油,十分不錯 燻魚 呢個硬左d,而且有點鞋,可以不點.我也只是吃了丁點. 燻蛋 呢度既燻蛋做得好冇誠意.賣相差之餘,食落偏硬,煙燻味都完全沒有,蛋黃差不多熟哂,食落完全不過癮. 酸甜松子魚 魚偏細,不過食落肉還不錯,酸甜汁恰到好處;只是略微炸得不夠脆. 小龍包 小龍包皮薄湯汁夠,蕩千秋時皮都沒有破,算有水準的了. 咕嚕雞 唔講都食唔出係雞.因為肉偏鞋,脆醬略嫌太厚了,不是值得點既一個菜. 上海炒年糕 呢味炒年糕味道十分清淡,配料都冇乜,年糕十分之不入味. 三鮮炒面 面條偏硬,好乾身,配料不是很多,好一般的水準. 紅油炒手 不知怎的最近愛上了吃紅油炒手,可能因為寒冬關係,貪佢有少少辣但自己又可以接受到, 暖下胃都相當之不錯. 呢度既紅油炒手不錯,皮薄軟身,菜肉份量剛剛好. 生煎包 相當不錯的一個生煎包. 不是很大個的一個包正好尾聲食一個填飽餘下的空位.外皮很脆,一啖咬落去雖然唔係多汁到流哂出來, 但肉很juicy,大小跟外皮剛剛好,2者配合起來真的十分好吃.吃完一個真係忍不住想吃多個, 可惜肚子不爭氣.... 甜品有椰汁桂花糕 好清甜的一個甜品. 好香椰汁味,特別桂花糕十分清香,加上杞子的咬感,實在太好吃了... 可能新年大厨都收工,所以今次當中既菜式有好有唔好,水準有點不太穩定. 雪園世家 Snow Garden Restaurant 大角咀海庭道18號奧海城二期1/F 146舖 tel: 2273 4166