Marshy is addicted to Food

食完團年飯, 難得同妹妹周圍行尖沙咀. 行唔夠一陣, 妹妹既黑洞肚又發作, 嚷住肚餓要吃東西. 冇計可施之下, 行過糖朝就入去吃個中式甜品吧. 咁冬既天氣當然要食個熱辣辣既糖水暖下胃啦, 所以就叫左個養顏滋補既湘蓮子鮮紅組燉雪蛤膏($42) 上枱時原盅熱辣辣,份量唔係好多,細細盅; 雪蛤份量不小,不過好甜, 甜得來味道有點假.不過食完成個人都好潤好暖. 妹妹反常態依然叫凍野食: 寶島珍珠鮮百合冰凍豆腐花($21) 一上枱真係嚇親,天氣巳經夠凍架啦, 但係呢個豆腐花出面仲要加上乾冰冰鎮住來食, 真係見到都打冷鎮. 不過佢個豆腐花唔知係侍應唔記得上糖醬定根本係淡口食, 上枱時冇糖水跟, 食一口簡直淡到無味, 頂唔順叫侍應攞左碗糖水先食到. 面頭有珍珠,食落都唔錯,不過睇名好似好巴閉好特別, 其實食落只不過係豆腐花加左d珍珠係面. 不過還好豆腐花算幼滑. 妹妹肚餓仲叫左: 紅油菜肉雲吞($32) 這個真的是不錯的說. 皮好軟滑又薄,內裡既菜肉比例適中;雖然成碟紅色好似好辣, 不過食落尚可接受,又唔係好辣wor. 仲有係鋪頭附近攞左張coupon食滿$50送甜品一客. 今次送既係柚子紅豆糕. 今次送既呢個柚子紅豆糕做得好求其. 柚子部份尚算可以, 但係紅豆糕太多紅豆,又乾又硬, 不合格, 而且2者都唔配合. 今次仲依然叫左白灼鮮腰瞤($50), 跟上次一樣鮮甜味美,水準依舊一流. 不過上次巳作介紹, 所以今次唔介紹了. 糖朝 The Sweet Dynasty 尖沙咀廣東道100號 tel: 2199-7799