Marshy is addicted to Food

是夜家姐個b滿月要去圓方食飯, 其實自從圓方開左咁耐都未去過,所以一知道會去就好興奮. 興奮既原因其實係因為之前一直睇報章雜誌都有介紹呢間cupcake既專門店,作為咁為食既我仲未去真係飲恨, 所以一定要趁呢個機會去狂掃一番. 間野其實都真係幾難搵,而且商場勁大,搵左十分鐘開哂information center先去到. 入到去唔係好多人, 嘩!!第一眼見到個勁大既cupcake就好開心了! 仲有好多不同款式既cupcake好似首飾咁排哂係度,令人眼花撩亂,心大心細唔知選邊隻好. 問個賣cake既姐姐分咩包裝,佢話都係分2個盒同4個盒裝. 好啦, 大貪d一次過試足4款. 先來一個我最愛既dark chocolate: 表面既朱古力醬出奇地唔係好濃,唔係好厚既一層,底下既蛋糕冇我想像中咁甜,蛋糕偏鬆, 有點似雪芳蛋糕. 再來試個tiramisu啦: cupcake之中最高的一個,圓圓既好似一個山一樣,上面鋪滿朱古力粉,睇落巳經好美味了. 食落真係好軟綿綿,甜度適中,一啖咬落去真係食緊一個迷你既tiramiru一樣,好有滿足感. 跟住有new york cheese: 一個白雪雪既好似雲尼拿雪糕咁既cheese放係上面,真係睇到都流口水! 以為食落會好硬好膩, 點知又唔係wor, 一啖咬落去係軟綿綿好似cream一樣,cheese既味道唔係好濃烈,但係淡淡既味道留係口腔內,個種感覺真係好滋味! 最後出場既有marshmallow: 最top既一大粒綿花糖最得我歡心,仲要係燒左少少,有點似bbq既感覺.表面仍然係一層朱古力醬. 一啖咬落去,嘩!! 呢個就係我最ideal既cupcake啦!! 厚厚既朱古力醬,加上好實帶點硬既超濃朱古力蛋糕,蛋糕同dark chocolate個款完全係2回事,呢個濃好多實在得多.中間仲有一舊軟綿綿既綿花糖(或者叫綿花醬),真係驚喜不斷. 不過唔食得甜或者唔受得太朱古力既朋友就唔好試了. 試過幾款不同既cupcake之後十分滿足,仲好飽... 其實食完一個都巳經好飽了, 不過我諗會好少人自己食哂一個,多數都係貪新鮮同人share每樣試少少,如果唔係唔出1個星期一定成功增磅~哈哈^o^ (每款$23-26不等, 6件裝$129) Petits 尖沙咀柯士甸道西1號九龍站 Elements 2 tel: 2882 7477