Marshy is addicted to Food

星期6放工同另一半行又一城,lunch時間周圍都好多人,行過呢間美心集團其下既EXP,唔洗等位,就入去試下了. 呢間EXP其實都開左好耐,不過成日都冇機會試,因為每次來又一城都比皇后餐廳吸左去.今次正好可以一嘗了. lunch唔叫太多了, 另一半想食pizza, 所以叫了: 香草蟹肉薄餅(薄:$60) 蟹肉都幾多,不過其實冇咩味,有d似蟹柳絲.同埋茄醬勁唔均勻,有d直情食唔到茄醬.餅底係好薄,但係冇烤出來既薄餅香,真係麻麻,仲衰過pizza hut. 紅咖哩蝦意大利飯($56) 反而呢個飯不錯.紅咖哩不錯,唔太辣,都幾多汁.蝦好大隻,ok彈牙.甜瓜切得太大舊,如果切粒會好d.有咬口十分不錯,加入少許煙肉粒更有咬感. 海鮮+檬粉紙米卷($42) 賣相都ok, 不過食落好淡口好冇層次.加左甜酸汁都好淡.出面個層粉皮仲厚過我塊面.仲要好硬. 真係仲差過paper rice既紙米卷. 埋單2個人$17x, 其實覺得係呢d level度食咁既價錢都幾唔抵.另一半話寧願加多少少錢食pizza hut仲飽. EXP 九龍塘又一城UG23號舖 tel: 2265-8298