Marshy is addicted to Food

同妹妹食完晚飯再逛左一陣又一城, 此刻妹妹既甜品肚又打鼓, 咁啱經過呢間皇后餅店, 見裝修都幾四正,就入去坐一會吧. 店內座位其實唔係好多,只有幾張枱,不過燈光憂暗,好有格調,情侶來談情就啱. 佢有cake set ($80),係一件cake + 一杯coffee or tea. 唔叫cake set可以散叫,每件cake堂食一律$40. 所以, $40一杯coffee or tea我地當然唔會叫, 就散叫了2件cake: Chocolate King ($40, 外賣$25) 叫得chocolate king, 梗係由內到外都係朱古力啦. 出面係用了朱古力曲奇條圍住,再外加一層厚厚既朱古力醬. 內裡全部都係朱古力慕絲,餅底係榛子脆餅. 最欣賞係個榛子脆餅,薄薄的,好脆好香. 如非朱古力迷一定會覺得太過甜, 不過作為一個朱古力迷既我, 又覺得剛剛好wor. Mochaccino Mousse ($40, 外賣$20) 妹妹既呢個mochaccino mousse就較為失色.頂層既cream都還可以,中間既mousse就太硬了,差點變為啫喱狀,最低層既蛋糕也太厚,又唔鬆軟.可以唔洗再食呢個. 加埋一齋堂食2件cake都成$88蚊.同妹妹講下次都係外賣企係門口食算了,起碼可以慳番d錢買多件cake食. 皇后餅店 (咖啡室) Queen's Konditorei 九龍塘又一城 LG2 層27號舖 tel: 2265-7978