今日10月1號係公眾假期,不過都要幫公司做野. 好彩有2個舊同事來探我,就3個人一齊去食lunch聚舊.
由於唔熟鑽石山,所以都唔知有咩好食,舊同事就提議試下食泰國野, 咁就揀左間最就近既餐廳,見唔洗等位就入去試下吧.
第一次食呢間,都唔知有咩好食,就睇下佢d套餐,見有個4人餐都幾抵,就叫來試下吧. 4人套餐($248+1) 包括:
泰國金柚併木瓜沙律
份量都幾多,佢係分開左木瓜絲一邊同金柚一邊,木瓜絲好多,不過成碟野十分辣,辣到根本都食唔到原來木瓜同金柚既味道.
香蒜蒸珍珠蚌
4隻珍珠蚌極細隻都不在話下,賣相仲要求其到極點.d粉絲完全唔入味,好似臨上枱先放落去一樣.d蚌更加冇味,鮮都唔稱得上.失敗.
馬拉盞炒A菜
反而最普通既一個馬拉盞炒A菜佢做得幾好,唔會太濃味但又好香,唔會好油膩.
泰式蒸荀殼魚
荀殼魚都係第一次食,不過味道十分不錯,2條size偏小既魚蒸到剛剛熟,魚肉好滑好彈牙,不過頗多小骨,屬美中不足.
馳名炒金邊粉
其實馳名就唔講得上,不過料好足,好夠火喉,d粉唔會黏埋一舊,算十分不錯.
泰式糕點(4件)
最難食既泰式糕點都算係佢呢間.連最基本既椰汁糯米糕都做到咁難食,又硬又有怪味.其他3種亦不敢恭唯.
下次如果再有機會來食,我一定唔會再點套餐, 寧願散叫其他野加個金邊粉算了.
泰棧泰國料理
Thai Houses Thailand Restaurant
鑽石山荷里活廣場311A號舖
tel: 2625-0098
文章標籤
全站熱搜
本港食評 (7)