Marshy is addicted to Food

今日雖然星期6, 但係一整日都要幫公司鋪頭整野, 做到9點幾先放工,晚飯都未食.返到九龍灣諗住買外賣,行經池記諗起佢開左咁耐都冇試過, 所以就買左外賣返去. 雖然池記既雲吞面出名, 不過是日唔太想食雲吞,見到佢推介緊新出既牛坑腩面($33),就叫來試試吧. 外賣都算細心,會懂得將面同湯分開. 牛坑腩的確比牛腩係柔軟一點,不過好淡口,冇咩牛味,跟九記既牛腩比始終係差d. 面還好是爽口彈牙的,有蛋香. 不過湯底就比較咸了,一飲就知好重既味精湯底. 我仲叫左一碗皮蛋瘦肉粥(餐$39 連油菜) 粥算綿,唔會好水,不過還是帶了點味精,瘦肉還可以,份量好多,不過反而皮蛋只有2,3粒,唔合比例. 跟餐既油菜我走了油,不過莖好多,葉好少,還好我喜歡食莖的,感覺還不是太差. 池記雖然做到出哂名, 分店一間接一間,不過連帶價錢亦都上漲了不少,而且食物雖然唔會話差左好多, 不過好像難以感受到個份用心做既味道了. 池記雲吞麵家 九龍灣德福廣場F27舖 tel: 2243 4022