Marshy is addicted to Food

記得第一次去東京做野,老闆帶我去酒店附近呢間'秀'拉面食宵夜,本來好飽既我,食左一口佢既叉燒拉面,簡直係驚為天人.最後自己一個掃哂一碗.之後每憑去日本做野,如時間許可既話,都會抽空光臨一次.... 呢碗一年只食幾次既面,今次同妹妹2個人既行程亦特別列在其中.呢間'秀'拉面食既食博多口味,用既係細面,湯底除左有例必既豬骨,雞,混布個d配料之外,亦加有柴魚, 所以湯除左有濃烈既豬骨味,仲有陣陣海鮮味.呢間拉面店連日本美食節目都有訪問過.分店亦開完一間又一間, 勁到連上海都有一間分店. 我同妹妹去到赤板站,由於我自己都唔係好識路(我係路盲嘛!!),所以搵左成個鐘先終於搵到條正確既路,去到8點半左右,好彩未關門,店內亦冇咩人,只有一枱2個女仔. 我二話不說即刻叫個最傳統既叉燒拉面. (不好意思,當時因為太心急一上枱就食左幾啖,其實上枱時係多一半的) 水準依舊!!湯底濃而不膩,細面亦係我最愛, 偏硬有咬口,叉燒十分十分鬆軟,係我食過咁多間拉面店之中既叉燒最好食既一間. 見餐牌寫剛推出左新研究既海老(蝦)醬油拉面,點都要點來捧下場既. (呢碗亦同上, 原本份量應該有多一半的) 呢碗味道清好多,好濃既鮮蝦味,面係較硬既soba(喬麥面),其實soba唔多係我喜好,不過最驚喜依然係佢既湯底,清得來好濃味好鮮甜,食完行左幾條街口腔都仲留有好濃烈既鮮蝦味. 仲有係食完完全唔會有口渴既感覺,真係一級棒. 既然佢既叉燒咁好食,一碗拉面入面得2,3塊點會夠.梗係要另上一碟叉燒啦 佢既叉燒真係好食到暈,入口即溶,好似食緊軟綿綿既綿花糖,但有濃厚既肉味一樣.基本上都唔洗點佢既燒肉汁都巳經好好食.眼見肉片上雖然見唔到油脂分佈,不過食落口依然可以感到7分肉3分脂,屬極佳品!!! 食完之後,平時唔多鐘意食拉面既妹妹都話,雖然行路搵左成個鐘頭,不過食完之後佢都覺得十分值得,可想而知佢既拉面係幾咁吸引!! 博多'秀'拉面屋 #107-0052 東京都港區赤板2-17-58福住bldg tel: 03-5545-9488 http://www.d-h2001.co.jp (不過最近website好似停左...)