Marshy is addicted to Food

明天就走了,今晚當然爭取時間shopping先. 購物完睇下個錶都巳經9點幾,又唔想食拉面住,突然想起原來今次都未食呢間牛角食堂, 所以2姊妹就再去左呢間食dinner. 除左池袋既Capricciasa之外, 呢間係涉谷既牛角食堂係我每次來日本都必食既餐廳.除左價錢平,最重要係佢既燒肉一絕!! 燒牛柳定食 妹妹點了呢個燒牛柳定食,因為佢唔太食生,所以呢個佢覺得恰到好處.不過我個人覺得較為太熟左少少.不過肉汁都好多,好juicy, 送飯一流. 厚切燒牛肉定食 要食就當然係食佢既招牌人氣定食厚切牛肉定食啦. 上枱時雖然見係好生, 不過等多一陣佢就會全部轉哂做粉紅色,呢個時候食再加埋佢特製既燒肉汁真係冇得頂!!牛肉juicy,d肉汁係口腔入面陪迴,真係人生一大樂事.仲有一讚既係佢配既芽菜,條條都好大條好飽滿,係香港係食唔到的. 除左佢既牛肉好食,其實佢既白飯都好好食.記得另加一隻生/溫泉蛋用來撈飯,加多少少甜鼓油,真係可以到2碗飯!!! 埋單都係1800yen,即係港幣差不多100蚊鬆d, 咁既價錢食到咁既質素既食物,去邊度搵呀!!!! 牛角食堂 http://gyukaku-syokudo.com/