Marshy is addicted to Food

來東京點可以唔食壽司.老闆對呢間係綿町系既常壽司有高度評價.記得上次來呢間常壽司巳經係2年前既事.... 一入去,感覺人同環境都跟2年前係一樣,我地依舊坐係bar枱前,務求食到即叫即做既壽司. 先來海膽同帶子 要睇個間壽司店既海鮮新唔新鮮,最好既辦法就係先試海膽.今次既海膽不錯,唔會有雪藏味,不過鮮甜度不強,不太突出但水準依然. 帶子唔係好大隻,但好新鮮.附加一件鹽帶子,食落好清新,唔會太膩. 甜蝦壽司 蝦好飽滿好大隻, 不錯,值得一試. 三文魚子壽司 不得不點我最愛既三文魚子.不過食落比起其他有點遜色了....有點香港水準... 魚背同墨魚壽司 魚背依然鮮味,油脂分佈平均,溶係口中個種感覺一絕!! 墨魚略嫌太厚了,影響口感,不太行. 蟹味噌壽司 跟香港食既完全唔同,一來冇雪味, 二來有好香好鮮既蟹味,味噌又唔會搶左蟹既味道. 三文魚腩壽司 全晚最有驚喜既居然係呢碟最平凡既三文魚腩壽司!!相機問題,其實三文魚係偏紅色,十分漂亮的.一食入口,真係嘩一聲!!因為水準低既三文魚係香港氾濫,所以我一向好少會點三文魚.不過呢個三文魚同係香港食既完全2回事,入口好滑,油脂好多好濃,食完口腔仲會留有三文魚香~~ 蟹味噌湯 呢個蟹味噌湯十分抵飲.一大碗都係400幾yen,內裡仲有好多件蟹,而且味噌唔會好咸,剛剛恰到好處.