Marshy is addicted to Food

工作關係又來到東京.第一晚去到酒店巳經好夜,由於聽日一早要去展覽場地SET野,唔想去咁遠既地方,所以就係我地既酒店對面間商場內搵左間餐廳醫肚. 日本除左日式料理同拉面出名外,佢地另一拿手菜式就係日本意大利料理.所以我地就選擇左呢間. 入到去等左一陣就有位. 由於唔係好識日文既關係,點菜就交比日文比較熟既同事. 所以以下既菜名都係大約, 唔太準確. 凱撒沙律 份量好多, 煙肉碎同面包屑都好足,芝士粉亦好多.生菜頗新鮮, 唯一就係汁太少了.... 墨魚墨汁意大利粉 上次去過池袋個間Capricciasa食過極品墨汁意粉一直念念不忘.所以見到menu有呢個意粉即刻點左.不過上枱見到,就知道同前者十分不同.墨汁明顯同意粉分開哂,同埋偏稀,唔夠味,吃不出癮來. 忌廉煙肉蛋意粉 每次來日本我都好鐘意叫呢款意粉, 因為感覺係香港冇邊間餐廳可以做到呢款意粉係好食既.不過呢個既水準有點似香港,忌廉汁好稀,又係同意粉分開哂,還好用上既意粉粗幼度係我鐘意既偏幼同少硬. 蕃茄芝士薄餅 特別實在講唔上,蕃茄細細粒好多汁,不過芝士略嫌唔多夠.薄餅用既餅款係香港好少見,係煙煙un un個種,少少似麥記豬柳蛋漢堡個隻包,不過當然比麥記既好食得多. 芝士薄餅 另一款芝士薄餅.其實用上面個款都係差不多,只係蕃茄轉了來茄醬,同埋換來更多更濃既芝士. 味道感覺好似差不多. 海鮮意大利飯 整餐算最好既係呢個Risotto. 加了芝士唔會好稀,飯粒飽滿.海鮮種類同份量都幾多下. 蜜瓜梳打 來日本好鐘意試蜜瓜梳打,因為間間都唔同味道同款式的.今次呢間既melon soda好平實,冇花巧野,不過偏甜. Ristorante ITALIANO #108-0074東京都港區高輪4-10-18 京急Shopping Plaza Wing 高輪west 1F tel: 03-3440-7446