Marshy is addicted to Food

係德福想食碗面或者粉, 除左池記基本上都別冇他選.因為成間德福得佢一間賣粉面.
今晚又冇住家飯食, 唔想食飯, 唯有再次幫襯池記.
上次試左佢既湯面,佢既粥, 佢既雲吞更加唔洗講. 今次輪到試下佢既撈面.
叫左一個撈面餐($45), 有一個撈面,一碗咖哩魚蛋蘿蔔,同埋一杯薏米水.
要試野梗係試個最特別既,豬軟骨撈面.



面就依舊彈牙,不錯. 豬軟骨份量都幾多,都幾入味,肥瘦適中,不過軟就唔係幾軟,肉都係有點硬.還好係佢唔會好乾,仲有點汁伴住.

咖哩魚蛋蘿蔔

基本上有5粒大魚蛋,真係幾大粒. 老實講,味就真係唔係好入味,不過好在魚蛋夠彈牙.咖哩汁有點辣,不過對於唔食得辣既我來講都尚算接受到.蘿蔔就真係少得可憐,得2片好細片.

薏米水


估唔到薏米水咁足材料,好多薏米之餘仲竟然有一大粒密棗!!散叫係$10杯, 不過咁足料我覺得都值回票價.

今次呢個餐都唔失水準, 雖然唔係好食到令人印象深刻, 不過都會再幫襯.

池記雲吞麵家
九龍灣德福廣場F27舖
tel: 2243 4022