Marshy is addicted to Food

來過幾次名古屋,撞啱拉面街開左幕冇幾耐,就入去逛逛.入面跟香港銅鑼灣個條拉面街風格差不多, 都係以懷舊日本風味,不過名古屋呢條街就精彩得多.大不在話下,仲有好多好精緻既街頭場景同擺設比你任影.






入面十多間拉面店全部都好出名,計有kamado,又有我最愛既博多秀拉面.


不過既然來到名古屋, 梗係要試番當地最有名既拉面啦. 見到呢間'滿州屋一番'門面勁誇張,又剪報又巨形獎杯又電視重播佢地比賽拉面既威水史,做到咁樣都唔入去試就真係唔比面了.

排左30分鐘隊左右就有得入座.基本上店內既坐位窄到冇可再窄,而且亦都十分唔舒服,好似務求各位食完快d趕你走一樣. 左睇右睇,唔好咁多心,就叫佢最大隻字最hit既個碗招牌叉燒拉面吧.

一上枱,心諗,不是吧,份量細到一個人食都唔多夠.先講湯底,係真係十分不錯,唔太濃剛剛好,不過要驚喜既就欠奉.叉燒麻麻,不算得上十分好食,有少少硬.餃子係成碗面中做得比較好,皮好薄但一夾又唔會散哂,肉同菜既比例十分好. 面就好一般,冇咩值得講.最差係隻蛋,燻蛋燻到過熟,冇哂半熟蛋黃個種口感,失敗.
雖然門面做到咁誇張,但係食完走出門口感覺:又係不外如是.
又一次領略到日本人既誇大行為了.