又係蘇施黃效應. 上次睇完佢介紹以佢命名既'阿蘇炒河'後, 一直心郁郁想試. 咁啱今日過海食晚飯,所以特別早d先去銅鑼灣,一心想一試呢個招牌菜...


入到去大約3點幾,今日公眾假期但人都唔係太多,唔洗等位.由於係下午茶時間,大部份人都係食緊下午茶餐, 但睇來睇去下午茶餐都冇'阿蘇炒河', 唯有叫侍應攞個menu來散叫.

我地叫左:

阿蘇炒河($63+1)

上枱其實份量唔係太多,不過睇落就好足料. 有肉絲,芽菜,九皇,冬菇絲,蔥等配料.食落完全唔會油,味濃但唔會感覺咸,我本人唔食蔥,但呢碟入面既蔥完全冇蔥既草腥味,我都可以食到.另外肉絲好柔軟.我其實唔太中意食炒河, 但都覺得呢碟炒河好好食,值得推介.

什菌燴通粉(茶餐:$30包飲品+1)


呢個雖然係下午茶餐, 但份量都唔少,溶化既芝士厚厚咁鋪滿左成個盤.一上枱巳經好香好濃既芝士味.佢仲用左幾種不同既菌類,其中加有金針菇,令到食落好爽口,口感十分好.一個人食完呢盤通粉其實都幾漏.

雖然餐廳價錢的確唔係平,不過水準十分不錯.有機會都想再去試埋佢地既晚餐.


天樂餐廳
Amy's Kitchen
銅鑼灣白沙道16號地下
Tel: 2838-4122
arrow
arrow
    全站熱搜

    marshy 發表在 痞客邦 留言(0) 人氣()