Marshy is addicted to Food

平安夜前一天2口子去了看戲, 睇完因為有d coupon所以就順道係megabox入面既小南國度食lunch了. 星期日, 食lunch時間點幾鐘, 人都唔係好多, 所以都唔洗等位就有得入坐. 由於有coupon, 所以就食豪d. 不過未試過佢呢度既散叫菜色, 所以都係叫套餐穩陣d. 兩位套餐($498)包括: 篇尖毛豆,烤夫 毛豆同烤夫都偏淡, 而且十分迷你. 2者相比毛豆比較好食一點, 烤夫太乾了. 蛋黃炒蝦仁 雖然細細碟, 不過勁多蛋黃, 十分十分之咸.面對蝦仁好碎好散, 口感好差. 蟹粉獅子頭 獅子頭好大,不過成個都好鞋身,好似一大舊瘦肉浸係d湯入面.不過都算有鮮肉味.反面欣賞個湯清清地唔太油膩. 剌參鮑片 海参不錯,偏迷你size. 鮑片極之薄同埋十分細片, 不過當然咁既價錢就係咁既質數了. 上海菜炒飯 好清新的一個炒飯.味道偏淡,好清, 而且唔太油膩.不錯. 甜品(是日:雪耳紅蘿蔔燉雪梨) 好清好潤的一個甜品.成個餐最滿意居然係呢個甜品. 雖然小南國係想做到好似不重量只重質既餐廳, 但食完佢呢個餐, 感覺佢雖然不重量, 但亦都不太重質. 如果唔係有coupon, 我都唔會再來食. 小南國狀元樓 Shanghai Xiao Nan Guo Cuisine 九龍灣宏照道38號MegaBox 6樓2號舖 tel: 2545 0880