Marshy is addicted to Food

來左英國幾日,工作期間一直不斷有人提及英國一間食意大利既連鎖店點好味法. 所以最後一日最後一餐決定搵出呢間餐廳一試. 其實呢間意大利餐廳係英國都算大型連鎖店, 所以如果係市內都唔難搵到分店. 好似淨係倫敦市內就有15間分店. 呢次我地就去左最容易搵既Leicester Square分店. 入到餐廳又係一股好親切,好優閒既氣色包圍住你. 人唔算好多, 所以即時都有位. 由於最後一日,所以金錢巳經所餘冇幾,唔可以叫太多,唯有就住叫幾款比較有特色既: Quattro Stagiani 呢個係一個pizza內有4款唔同口味, 可以滿足哂貪新鮮既我. 4款味包括有: pepperroni, smoked ham, roasted mushrooms同artichokes. 感覺最好食既係roasted mushrooms,因為味道最濃郁,而且好有咬口.其次artichokes都唔錯,比較清新. Linguine Marinara 呢個係大蝦配三文魚忌廉汁長通粉. 伴碟仲有一片檸檬,好清新既配搭.食完都冇滯既感覺.唯一缺點係汁太少了, 底層有d長通粉都冇汁... Penne Funghi Pancetta 呢個係煙肉磨菇芝士忌廉汁闊通粉. 反而呢款比較遜色,因為汁實在太少了,根本有好多闊通粉都吸收唔到個汁,所以變得有一半係淡而無味. 雖然食物唔係太特別好食, 不過可以悠閒地坐係呢種小店吃住pizza同pasta, 呢種感覺係生活咁緊張既香港來講真係好少見. Bella Italia 22 Leicester Square London Greater London WC2H 7LE Tel: 020 73210016 http://www.bellaitalia.co.uk