Marshy is addicted to Food

放工行過can-teen,見佢剛剛抽起一大抽滷起既叉燒,好似勁靚咁wor,所以就即刻買左半斤($24)返屋企加餸. 半斤其實唔係好多,外觀實在太吸引,好靚. 我叫既係半肥瘦. 不過食落就真係幾失望.真正半肥瘦既數埋3舊都冇,其他既都係瘦到唔恨既瘦叉.而且肉好鞋好硬....同賣相真係差得遠. 真係蠢,比佢既外表呃左. 另外仲試左佢新出既德皇併盤($49) 有一堆薯蓉,一塊牛脷,一舊好厚既咸牛肉,一條德國大肉腸,一條好長既豬肉腸同埋一埋德國酸菜. 呢個併盤重點其實只有牛脷. 你真係想像唔到係呢d咁既快餐店地方居然食到咁厚咁嫩咁柔軟既牛脷!! 雖然冇醬汁點,但係味道巳經好夠.而且佢煮到剛剛熟,完全冇硬既感覺, 一絕!! 其次好食既係德國酸菜,咸咸酸酸都幾開胃. 而其餘2款腸同個舊咸牛肉, 基本上冇咩特別.個舊咸牛肉似足係罐頭倒出來既午餐肉一樣. 講真, 如果唔係個舊牛脷我絕對唔會花$49來食呢個併盤.但係我覺得比呢$49蚊食呢塊牛脷就好值得. 至於呢度既叉燒我真係唔會再買了.... Can-teen 九龍灣德福廣場地下G54A號舖 tel: 2750 2203