Marshy is addicted to Food

是夜約了朋友係尖咀傾野.正值晚飯時間,行到亞士厘道最多餐廳既街,出名個幾間都排哂長龍.由於大家都唔係太肚餓, 見到有間日式料理標榜碟碟$10. 見冇乜人, 我地亦志不在食,純粹搵地方傾野,所以就試下呢間吧.



入到去一如所料,真係冇咩人.唔洗等就有位坐.點菜基本上唔洗麻煩侍應, 因為枱上一早巳準備定一疊點菜紙, 上面既野全部都係$10. 有刺身,壽司,拉面,意粉,飯,沙律,串燒,天婦羅,小食甚至火鍋都有.另加一個餐牌比你睇每款菜式既相,都尚算細心.

以下係部份菜式既寫真:

刺身 (真係得2小片,而且唔係太新鮮)


帶子裙邊沙律 (不錯)


鴨胸釀鵝肝 (好乾有點柴皮狀態)


牛油炒什菌 (冇咩牛油香, 不過不錯)


牛脷意粉 (份量都ok,微辣,最驚喜係佢居然用左幼身意粉!)


蟿子沙律 (有相為証,d沙律醬多到冇眼睇.....)


凱撒沙律 (凱撒沙律落沙律醬我都係第一次見....)



基本上平均來講d野唔係十分難食,不過亦唔稱得上好食,不過$10一碟要求就唔好咁高了.
由於份量都真係幾少,所以大家坐下傾下又食下,都食左廿幾碟.埋單都要百鬆d一個人(在此多謝好朋友既請客!)
試均廿幾樣野,感覺最抵食既係佢既意粉同飯.一來份量都算多,二來味道都唔錯.菠蘿炒飯真係半個菠羅上比你,總算用過心. 不可不點既係鰻魚壽司.雖然唔係十分靚既鰻魚,不過係成條鰻魚上,都幾大條,$10一件真係好抵食.
而最唔抵食既就係佢既沙律.一來難食,賣相又差到極.寧願留番$10蚊點多個小食好過.

如果你係對食冇咩要求,只求填肚,食飯時間唔想等位既話,呢間餐廳啱哂你.

浜
Hama
尖沙咀亞士厘道24-38號天星大廈A座地庫
tel: 2375 1232