來到英國點可以唔試下最出名既牛排.
呢日做完野,3個人決定豪一次,
去左一家食安格斯牛排好出名既連鎖西餐廳.



睇見門口既餐牌其實都嚇一嚇,不過念在係英國最後的晚餐,就豪一次咁多啦.


入到去其實巳經好full好多人,不過好彩都唔洗點等位.雖然佢價錢幾貴,不過入面既氣氛又好親切好平民化.我地散叫左最有代表性既幾樣菜:

餐包 (巳收在service charge入面 = 大約hkd$45)

上枱時巳經唔熱了,扣左一半分.好彩面包還是十分軟熟,真係十分欣賞英國烘既面包.

Sirloin Steak (沙朗牛排) uk$13.5 = hkd$212

上枱時睇落size好似好細,其實佢做到好厚.果然半生熟既還是最好食,肉汁好juicy,肉係口入面口感好豐富,微微燒烤過既外層都唔會好老,依然柔嫩.

Fillet Steak (菲力牛排) uk$14.95 = hkd$235

雖然菲力牛排係比沙朗貴,不過呢個菲力牛排又冇想像中咁好食.我要左半生熟,但一切開好明顯係7,8成熟,而且外層偏硬,中間既肉又冇沙朗咁柔軟.唯一比沙朗好既就係佢既肉味好濃郁.

Half Roast Chicken (半烤雞塊配白飯)(uk$12.95 = hkd$203)

雞塊十分之大塊,最讚既係呢塊雖然係雞胸,但十分嫩滑,好似食緊雞脾肉一樣! 配埋佢濃厚既磨菇忌廉汁,簡直一絕.不過白飯就比較遜色,始終外國煮白飯都係唔太在行,白飯十分之硬又乾,好似d飯擺左係度風乾大半日一樣.

甜品我地叫左Lemon Meringue Pie (uk$4 = hkd$62.8)

雖然話係檸檬,不過完全唔酸,相反仲超甜.食得甜既人應該會好欣賞呢個甜品,因此佢甜之餘仲有淡淡檸檬既清香.而佢表面微微烘過既蛋白脆脆的,口感十分不錯. 食完包你會好滿足.

3個人埋單連埋加一要英磅51蚊左右,大約係港幣$800.但係其實大家都完全唔飽的...
不過可以一嘗英國既牛排,就豪一次比佢啦.
arrow
arrow
    全站熱搜

    marshy 發表在 痞客邦 留言(0) 人氣()