Marshy is addicted to Food

最後一日係東京, 我地決定以拉面為最後一餐.但係唔想食太普通既拉面,經過好出名既神座拉面,不過記起上次係大板度食過一次,名不符實,所以冇謂浪費左最後一餐既quota.行前d,見到天下一品,記起佢既無敵'傑達達拉面',由於唔係個個人都接受到咁傑既拉面,所以問下妹妹敢唔敢試,佢話乜都要試,所以就決定食呢間.


由於個日星期6,入去都係12點左右,涉谷呢度d型人潮人仲未起身,所以都唔洗等位.
呢度有時會有d識國語既留學生做part-time,咁啱個人就有一個女仔係中國人,所以好好彩我地可以用普通話溝通.
要試既當然係佢地既傳統叉燒拉面啦, 我特別叫左特級叉燒拉面.

其實特級同標準既分別只係叉燒多幾塊,標準既只有一塊.面既分量係一樣.天下一品既面特別在於湯底,真係前所未有咁傑咁濃,真係唔係人人受得了! 不過如果食得傑既人,會覺得呢個湯係極品.妹妹試左一口,鐘意到不得了,成碗搶住來食.面同湯都滿分,唯獨是叉燒麻麻地,太瘦有少許老.叉燒還是'秀'拉面的棒.


食拉面配餃子似乎係日本人既指定動作.不過係日本,真係要試下人家做既餃子,任何一家拉面店既餃子都做得比香港的好.首先皮十分薄,內裡既餡不太多又不會太少,剛剛好,令到成隻餃子既形都好漂亮.而且佢煎到外皮脆脆的,但又不會過燶.最重要係感覺完全不油膩.

見店內還有夏季限定冷面,就點一個吧.

醬汁依舊帶有麻香,面依然係同一種.不過食落呢個明顯地比招牌拉面遜色,不過難怪,始終都係招牌面,店內應該都唔會有其他面好食過佢.但係令人驚喜既係鋪面既一條條叉燒,睇落好似好乾柴,點知食落口,成條肉差不多自動溶化!!!油脂同肉各佔一半,實屬佳品.

來日本,記得必定要試一次呢個'傑達達'拉面,無論你鐘唔鐘意,都包你一試難忘!

天下一品
http://www.tenkaippin.co.jp/pcindex.html