Marshy is addicted to Food

今日小妹生日, 其實前幾年每馮生日我都會要求同家人去灣仔小旗園食齋, 當係積番d德同埋紀念呢日係我媽媽最偉大既日子. 除左舊年冇食齋, 今年依舊.
不過今年搬左屋, 冇得再食小旗園, 所以就試下尖沙咀既功德林.
以為食過銅鑼灣個間一次, 印象係味道不錯, 但價錢亦好高.
今次再食, 點左:



木瓜魚翅盅
一人一盅份量. 個木瓜其實都唔細, 好厚肉, 中間有好多料, 加埋d冬菇竹笙同齋翅, 十分不錯.


齋小龍包
一籠有4隻.皮較厚, 內裡都係冬菇同菜絲, 乾淨淨的, 始終小龍包都係食有肉既比較有口感.


豆腐餃子
呢味菜其實好花功夫. 食落不錯, 豆腐略嫌不夠滑. 個汁很好, 唔太咸, 恰到好處.


雪菜荀絲炒年糕
整體ok, 唔係十分好食, 但唔會難食. 不過太油.


上海冷面
呢個其實係我想來呢度食既原因. 因為好想試. 雖然都ok, 不過比想像中差左d. 上海面比較乾身同偏硬, 其實用來做冷面真係強差人意, 不過好在佢有9小碟調味醬比你自行mix, 包括鼓油, 醋, 甜醬, 麻醬, 花生粒, 南乳, 辣醬, 2碟芽菜, 青朝等伴菜. 我試過用鼓油+醋+甜醬+麻醬+花生粒+芽菜各少許, 出來既效果係最好食的.


松子魚
真既食得多, 齋既真係好少食. 個汁做得好似, 甜甜酸酸, 好開胃. 魚係用一大舊芋頭炸過, 十分之膩, 太大舊了, 不過芋頭本身唔差的, 唔太粉唔太生, 剛剛好.


羅漢齋炒面
去齋鋪必會點既呢個面. 除左油之外, 基本上都不錯.


桂花酒壤丸子
用上大粒有芝麻既湯丸, 其實唔係咁好, 因為食完會搶哂桂花既香味.


合桃紅棗糕
原本以為會係透明紅色個種啫哩, 點知上枱係一舊雪芳蛋糕既物體!!! 質地似食硬左既馬拉糕, 味道??完全冇味. 失敗.


豆沙鍋餅
冇野講. 上枱時巳經凍左, 林哂.

雖然生日流流要返大陸仲要咁夜先返落來食飯, 仲要食左餐貴夾唔抵既生日dinner(埋單6個人HSBC卡85折後9百幾蚊). 不過能夠同一家人開開心心出來食餐飯我巳經好滿足了.

功德林
Kung Tak Lam
尖沙咀北京道1號7樓
Tel: 2312-7800