Marshy is addicted to Food

最近九龍灣地鐵站開左間日本來的蛋糕外賣店, 佢同普通蛋糕店唔同既就係佢全部既蛋糕都係細細條,一條條長型狀的. 口味多達30幾款, 出名為食既我, 仲要咁近我家, 梗係買來試試先啦.




30幾款真係花多眼亂, 但係其實佢櫃面唔係全部都有, show出來既只有10多款. 如果真係想食個款最好先睇佢既單張再問佢, 因為佢地有時會將某d款冇擺出來的.
心多多試左5款先啦:


先來試一個焦糖蘋果:

焦糖味就冇乜, 好重蘋果味, 上層既蘋果jam味道好濃, 仲帶點甘苦既味道. 妹妹話好苦唔鐘意, 不過我個人又覺得少少苦可以接受到. 餅底有點硬, 唔太喜歡.

跟住有栗子:

面頭個粒栗子超硬, 不吃也罷; 栗子溶有好多好厚, 呢個餅底有點脆身. 整體不錯不過沒甚特別.

再來一個香芋的:

香芋味濃但上面既cream十分硬,好似食緊凝固左既cream一樣.不太好.

仲有紅莓朱古力:

外層有好厚好硬既朱古力,中間個層勁多紅莓,好酸....酸多過甜.完全蓋了朱古力既味道.

其實仲有一條tiramisu的,不過影唔切相, 反而呢款比較美味,味道賣相各方面都比較平均.

起初開左呢間野成日都見人龍, 但係依家真係小猫三四隻. 所以証明賣特色既都未必成功, 味道都係最重要. 如果想食好食既蛋糕, 我提議行多兩步去Italian Tomato啦.

stick STICKS
九龍灣地鐵站 A 出口 KOB1 號鋪
TEL: 2331-9488