Pizza Hut雖然成日都食,元旦仲食pizza hut好似有點兒那個. 不過見到佢做promote話有AIG信用card可以半價食到個超豐富既2人套餐,另一半鐘意食pizza, 所以心郁郁就去試了.


雖然元旦日,不過12點幾都冇咩人,可以因為d人前一晚玩到未起身掛.
入到去二話不說梗係要個信用卡2人餐啦:

[滋味盛禮]二人套餐($215)

酥皮三文魚湯


上枱時都幾大個,酥皮好薄不過唔太酥,冇咩層次.湯入面既三文魚冇乜味,不過整體都ok.

大蝦雞尾杯

蝦都幾大隻而且ok乾淨的. 不過冇蝦味,預左係雪藏貨,所以唔會期望好高,食落都可接受. 杯底既生菜絲都幾新鮮,份量都幾多下.如果冇埋面頭個一大pat千島醬會仲健康.

法式烤羊架

較為乾身了一點.不過食落都不錯, 羊既味道尚算濃郁, 當然唔可以期望太高啦, 所以都算合格了.

原塊龍利柳白汁意粉


睇表面以為有好多汁,點知叉起內裡既意粉原來乾到不堪.如果多番一倍汁會好好多. 龍利柳都不錯,只係淋左少少,但都幾大塊.

意式青瓜香草醬汁配軟殼蟹芝脆批(普通批)


軟殼蟹都幾多,不過表面睇都睇唔出係軟殼蟹, 但食落就有好香既蟹味,帶點微辣但可接受的. 醬汁其實都食唔到咩味,因為巳經比個蟹遮蓋哂d味. 加了粒粒水牛芝士有點多此一舉. 芝脆批果然好滯,尤其佢條邊既芝士,食完一塊都好飽了.

黑芝麻雪糕伴紅豆

呢個甜品雖然簡單, 不過食落十分不錯. 甜甜既紅豆加上不太甜既芝麻雪糕, 很對味.

士多啤梨柚子蜜

比較欣賞既飲品. 不太甜, 清清起可以消除油膩感. 唯一缺點係唔夠熱.

椰子雪糕啫喱冰

好普通, 冇咩特別,椰子味冇乜, 好多梳打水味.

其實如果唔係有AIG卡, 成個套餐四百幾蚊我真係唔會食, 不過好彩有卡半價就感覺上抵好多.
雖然食物質數一般,但以量取勝. 2個人食到最後都剩2塊PIZZA食唔落.

必勝客
Pizza Hut
九龍灣德福廣場第1期G53B號舖
TEL: 2756 9776/ 2753 5722
arrow
arrow
    全站熱搜

    marshy 發表在 痞客邦 留言(0) 人氣()