Marshy is addicted to Food

最後一日係東京, 我地決定以拉面為最後一餐.但係唔想食太普通既拉面,經過好出名既神座拉面,不過記起上次係大板度食過一次,名不符實,所以冇謂浪費左最後一餐既quota.行前d,見到天下一品,記起佢既無敵'傑達達拉面',由於唔係個個人都接受到咁傑既拉面,所以問下妹妹敢唔敢試,佢話乜都要試,所以就決定食呢間.


由於個日星期6,入去都係12點左右,涉谷呢度d型人潮人仲未起身,所以都唔洗等位.
呢度有時會有d識國語既留學生做part-time,咁啱個人就有一個女仔係中國人,所以好好彩我地可以用普通話溝通.
要試既當然係佢地既傳統叉燒拉面啦, 我特別叫左特級叉燒拉面.

(繼續閱讀...)

marshy 發表在 痞客邦 留言(0) 人氣()

明天就走了,今晚當然爭取時間shopping先. 購物完睇下個錶都巳經9點幾,又唔想食拉面住,突然想起原來今次都未食呢間牛角食堂, 所以2姊妹就再去左呢間食dinner.



除左池袋既Capricciasa之外, 呢間係涉谷既牛角食堂係我每次來日本都必食既餐廳.除左價錢平,最重要係佢既燒肉一絕!!

(繼續閱讀...)

marshy 發表在 痞客邦 留言(0) 人氣()

自從3年前食過呢間日式意大利餐廳既墨汁意粉之後,就一直念念不忘,每次到日本都會搵時間來吃一次.呢晚老闆陪客食飯,正好做就我同妹妹2個人又重臨呢間餐廳既機會.



上次食左佢既lunch,因為lunch冇墨汁意粉,飲恨左幾個月,今次食晚飯終於可以再嚐到呢個天下間美食!!
先來一個頭盤煙三文魚沙律.

(繼續閱讀...)

marshy 發表在 痞客邦 留言(0) 人氣()

來東京點可以唔食壽司.老闆對呢間係綿町系既常壽司有高度評價.記得上次來呢間常壽司巳經係2年前既事....



一入去,感覺人同環境都跟2年前係一樣,我地依舊坐係bar枱前,務求食到即叫即做既壽司.

(繼續閱讀...)

marshy 發表在 痞客邦 留言(0) 人氣()

係東京展示場做完野巳經係午飯時間了. 大夥兒肚子空空,老闆問想出市區食定係附近食,煩惱之際記起上次係度食過一間和食既蛋包飯十分不錯,就提議不如先去填肚才出市區.



行到門口,見到門前既食物模型,蛋包飯依然還在!真係好. 不過自己今次想試佢其他定食,所以推介了妹妹食呢個新式蛋包飯.

(繼續閱讀...)

marshy 發表在 痞客邦 留言(0) 人氣()

工作關係又來到東京.第一晚去到酒店巳經好夜,由於聽日一早要去展覽場地SET野,唔想去咁遠既地方,所以就係我地既酒店對面間商場內搵左間餐廳醫肚.
日本除左日式料理同拉面出名外,佢地另一拿手菜式就係日本意大利料理.所以我地就選擇左呢間.



入到去等左一陣就有位.

(繼續閱讀...)

marshy 發表在 痞客邦 留言(0) 人氣()

到日本不能不吃既早餐就係松屋既納豆飯.
松屋就好似吉野家一樣,周圍都有連鎖店.價錢平不在話下,食物都不錯.不過通常午餐同晚餐都唔會來呢度食啦,因為要去搵更美味既餐廳.不過早餐呢,就會選呢度食.



通常早上來呢度食早飯既都係一d單身上班男仕,女仕反而十分少見.

(繼續閱讀...)

marshy 發表在 痞客邦 留言(0) 人氣()

記得第一次去東京做野,老闆帶我去酒店附近呢間'秀'拉面食宵夜,本來好飽既我,食左一口佢既叉燒拉面,簡直係驚為天人.最後自己一個掃哂一碗.之後每憑去日本做野,如時間許可既話,都會抽空光臨一次....



呢碗一年只食幾次既面,今次同妹妹2個人既行程亦特別列在其中.呢間'秀'拉面食既食博多口味,用既係細面,湯底除左有例必既豬骨,雞,混布個d配料之外,亦加有柴魚, 所以湯除左有濃烈既豬骨味,仲有陣陣海鮮味.呢間拉面店連日本美食節目都有訪問過.分店亦開完一間又一間, 勁到連上海都有一間分店.
我同妹妹去到赤板站,由於我自己都唔係好識路(我係路盲嘛!!),所以搵左成個鐘先終於搵到條正確既路,去到8點半左右,好彩未關門,店內亦冇咩人,只有一枱2個女仔.

(繼續閱讀...)

marshy 發表在 痞客邦 留言(0) 人氣()