Marshy is addicted to Food

是夜約左舊朋友放工後傾談正經野, 一個係九龍灣,一個係荔枝角,相隔2地,就搵左荷里活廣場呢個中間點來做聚會地點.
其實呢個荷里活廣場既餐廳唔算少,中,西,日,泰,快餐,應有盡有. 適馮7點幾係晚飯時間,想搵間唔趕人走,靜靜地傾計既餐廳都難. 咁啱行過呢間double star cafe,見人唔係好多,這晚亦志不在吃,就選了呢間做傾計落腳地吧.
雖然話係話傾計, 但點都要食晚餐, 見佢set dinner居然有墨魚意粉($88/set), 就梗係點呢個試下啦.


呢個煎鵝肝什菌墨魚汁意粉上枱時基本上係冇汁既,塊鵝肝十分薄, 仲薄過塊午餐肉,食落冇咩味,明顯唔係好靚既貨色. 墨魚汁意粉表面係全黑,但一d味都冇, 乾爭爭,好彩有少許什菌點綴一下味道. 唯一合格既就係個賣相.

什菌忌廉湯連餐包

什菌湯不錯,比出面街做既一般紅湯白湯好. 餐包係蒜蓉包.上枱巳經凍哂,扣哂分.

軟心朱古力蛋糕($35)

賣相好, 不過蛋糕十分唔店.出面成個蛋糕超硬,仲硬過舊石.軟心朱古力唔夠朱古力味,好淡.

法式燉蛋

賣相不錯,不過成磚燉蛋有點硬,好在佢既汁做得好好,唔會好甜.如果唔配汁食就真係好乾.

其實食物真係唔係好好,不過好在貪佢有sofa,坐得舒服d, 可以靜靜地傾計.

Double Star Cafe
鑽石山荷里活廣場2樓288號舖
tel: 3101 0866