Marshy is addicted to Food

自從3年前食過呢間日式意大利餐廳既墨汁意粉之後,就一直念念不忘,每次到日本都會搵時間來吃一次.呢晚老闆陪客食飯,正好做就我同妹妹2個人又重臨呢間餐廳既機會.



上次食左佢既lunch,因為lunch冇墨汁意粉,飲恨左幾個月,今次食晚飯終於可以再嚐到呢個天下間美食!!
先來一個頭盤煙三文魚沙律.

三文魚鮮甜,冇乜煙燻個種味道.生菜好新鮮,菜比較多,頗健康既一個頭盤.

洋蔥烏賊墨汁意粉

呢個意粉真係極品!!雖然外觀唔太漂亮,黑色一pat pat,不過食落實在十分滿分!佢用既墨汁能夠將每一條意粉都包住,成碟面基本上係冇汁,因為d汁一早巳經比意粉吸收哂,完全100%入味.而烏賊亦十分有彈性口感一流.意粉亦選用我最愛既偏幼帶點硬身,最有咬感.

雞肉磨菇茄汁粗意粉

由於呢個係秋季限定, 所以就點來試試.雞肉帶點微辣,不過好滑好嫩,茄汁其實唔係好多,不過出奇在又好夠味.粗意粉十分有趣,中間竟然係空心的!食落好得意,不過有點滯.

呢間日式餐廳其實係池袋,涉谷都有店. 如果你想食真正好食既日式意大利粉,我首推呢家.