Marshy is addicted to Food

晚上係銅鑼灣搵個位食飯真係唔容易.
呢晚2個人在銅鑼灣搵食, 但周圍都咁多人, 諗2諗, 好似未同過另一半燒野食
所以就不如試下日式烤肉, 順便自己可以冕懷一下係日本既情景.



盛八座落在一間頗舊的商業大廈內, 門面都亦唔得.
不過上到去又是另一番光景. 唔洗等位就入得去, 店內人唔係好多, 裝修真係好似日本個邊既燒肉店.

打開MENU, 嘩....怪唔知得唔洗等位啦, 價錢真係幾貴....
見到有個2人套餐, 用匯豐CARD有6折, 就試下吧.

精選套餐(折後$488倆位)

先來一個韓式牛肉刺身

另一半唔食生牛肉的, 所以呢個前菜只有我獨享. 有埋生菜包住來食, 食落不錯, 牛肉尚算滑, 不過有陣雪味.

盛八四小碟

呢碟前菜份量唔係好多, 內有盛八豆腐, 泡菜, 目黑茄子同埋溫室青瓜. 豆腐普通, 一陣雪味; 泡菜唔太辣, 反而啱唔太受到辣既我; 茄子幾爽幾清新; 青瓜就唔太脆了.

然後一大盤燒的材料上枱, 有海虎蝦(2隻), 山形尾花澤和牛(3片), 半殼香草牛油帶子(一個), 本來menu寫燒蜆變左一堆魷魚鬚, 果味牛胸腹(3片), 鹿兒島鹽燒黑豚(4片), 法式芥末籽牛舌(3片), 義大利香草雞腿肉(4片)
(由於相機問題, 影了大盤的相片放在電腦內看不到.../_\)

仲有一個什菌併盤, 內有冬菇, 金菇, 鮑片菇同茶樹菇(?)


開爐燒啦!!!!!!



燒肉很好吃, 和牛不太能吃出味道, 估計不是質素太好的和牛; 最好吃還是牛吞; 蝦不是很多膏, 普普通通, 還是肉類比較優勝. 帶子很好吃, 尤其加上內裡的汁, 很鮮味.

食幾片燒肉當然不會飽了, 所以還有一個盛八泡飯

一碗2個人分每人分到一碗仔. 配料主要是蔬菜同菇再加個蛋, 清清地不錯, 我食完其實都飽了, 不過另一半是男仔, 所以不太夠飽.

最後還有甜品- da dolce意大利番石榴雪芭

味道不是很甜, 吃完肥膩的燒肉最好就是吃個雪芭清清口腔消除那些油膩感. 清新的一道甜品, 很喜歡.

埋單大約500蚊左右...想起在日本吃其實比香港平一半....
有點懷念日本的燒肉了....
更有點懷念日本的無酒精啤酒......

盛八日式燒肉店
Morihachi Yakiniku
銅鑼灣怡和街2-6號英光大廈3樓
tel: 3106 0183