Marshy is addicted to Food

由於昨晚食buffet食到好似有左6個月身紀一樣,個肚漲住訓得唔好, 7點幾同另一半一齊醒左就先落去食早餐.


由於實在飽到癲, 同埋早上勁多韓國團係度搶食,所以早餐真係食得唔多.


食完2個人呆下呆下逛左一陣酒店樓下既賭場又再番房訓.
訓到10點幾11點就去check out了. 跟住搭了的士去氹仔既威尼斯人了.
入到大堂果然十分漂亮~~



我地又去左入面既賭場見識了一下, 擺低左少少'入場費'又走了.
之後上左去聖路卡運河(即好出名的天幕廣場)度行下.



廣場內好少人,不過沿路不斷聽到河上既貢多拉船夫不停唱歌, 樂在其中.

仲有人扮既石像, 真係郁都唔郁架~


連裝修緊既鋪頭門口既裝飾都靚過人. 呢個面具好大好靚呀~~

沿途仲有好多呢d好靚既劇院面具擺設~

仲有一間好大既曼聯專門店. 曼聯球迷破產之地. Thank god好彩另一半不是曼聯的fans...

逛完威尼斯人我地就搭的士去官也街食飯.

去左呢間好出名既'山度士葡國餐廳'食lunch.

先來一個葡式雜菜湯($20)

好青豆既味道, 有好多菜係入面, 不過味道普通.

最欣賞既餐包

係硬豬仔. 上枱好熱辣辣, 外面好脆, 內裡好鬆軟. GOOD~


馬介休炒飯($8x)

份量其實唔係好大碟, 不過飯炒得乾身,唔油, 加埋馬介休咸咸地幾好食.肉絲略微硬左d.

燴羊肉($8x)

羊肉唔太入味, 不過羊本身肉質炆到好'淋'好軟,騷味唔係好濃; 反而汁就十分不錯,加埋炆到溶哂既洋蔥同紅蘿蔔絲一齊食酸酸甜甜的好好吃. 底下既新薯加埋汁一齊食更加好吃.

燴牛尾($85)

跟燴羊肉同樣細細煲. 反而呢個燴牛尾冇羊肉咁好食. 燴得唔入味而且牛尾好瘦d肉又硬...失敗.

炸馬介休球($8一粒)


葡餐最出名,第一次試. 有馬介休跟薯仔溶一起炸. 咸咸地好脆,不過薯仔好粉, 自己跟另一半都唔太喜歡.

我地仲叫左澳門特有既葡國汽水(熱情果味)($12)

甜甜地酸酸地幾得意, 味道令人飲完想再飲. 可惜香港冇得賣.

呢餐2個人食左$320, 算貴了, 不過試下正宗葡餐嘛.

食完買了少少手信再行前一條街, 就見到好出名食木槺布甸好出名既沙度娜.


可以話我好out, 但係我係第一次食. 買左原味食,好硬的, 不過食落似食緊硬左既奶油, 加上面層既木槺(餅碎),又好好食wor.

食飽飽之後就搭番的士去番市區.
行左一陣星際,永利同金沙, 又放低左少少'入場費'....




最後去漁人碼頭




可惜正想入內之際,天公不造美,突然落左場過雲雨, 迫住要走. 仲害我地2個嘈左一場交; 點知唔夠10分鐘雨就停了, 可惜我地巳經坐緊車去碼頭了, 認真玩野.

由於提早上船要等, 最後係碼頭呆等左個幾鐘終於有extra位了.

雖然呢行有開心有唔開心, 不過第一次跟另一半近近地外遊都算不錯了.
下一次來澳門我必定要再去漁人碼頭!!!!