計起上來自從出來工作後, 每年5月左右我都會請大假去一去外地旅行放鬆一下. 今年有了另一半, 適馮係我倆拍拖半周年, 而且我7,8年都冇去過, 所以商量後就決定近近地去另一半既家鄉 - 澳門玩2日散下心吧.



早上10時的船,2個人先係九龍塘吃了早餐再到上環,去到剛剛好9點45分上船.
香港海面真係好大浪,fing到個人暈暈到, 好彩好快開船. 大約1小時10分左右就到了澳門啦~真係快. 反之澳門海面就好平靜隻船好定.
落左船見到好多酒店車,由於我地住利澳酒店,但係呢間酒店既車30分鐘先一班,等得來都'蚊訓', 所以我地自己搭的士到酒店, $20有找好近好方便. 番到酒店先check-in, 由於星期四係平日,所以可能人唔係太多,reception自動upgrade左我地去左套房.不過要下午2點後先可以拿key, 所以我地寄放左行李就出去行了.
第一站先去美高梅.

美高梅係永利旁邊,比起永利金沙裝修外觀唔算得好大好靚, 不過入到去又係另一回事.

通往餐廳既走廊好靚好有格調.

走廊內沿途仲有好多五顏六色既玻璃盤. 呢個粉紅色好靚呀~~

行到出去中央廣場好大,裝修仲好歐陸式格調,相當relax.

當然唔少得去左裡面既賭場啦~自己比左少少入場費,冇乜收獲.不過另一半相當好運,一入錢($1)係角子機就win左500幾蚊!

由於另一半win左錢,所以行程加左少少碼,知我鐘意食cake, 就帶左我去美高梅既cake shop度嘆個lunch前cake.

12點幾, 人都唔係好多, 只有一枱客人在食lunch.

櫃檯裝飾到好似珠寶櫃一樣, 正值午餐時間, 所以cake既款式唔係好多, 反而三交治,面包等看似十分不錯.
我地每人都叫左一款share來試.

黑朱古力熱情果蛋糕($35)

外觀真係十分漂亮,朱古力也很幼滑.

內裡的mousse很滑很順喉,中間的熱情果醬酸酸甜甜的很開胃.餅底不是很脆, 有點軟.

我叫了榛子檸檬蛋糕($35)

睇名好似會好酸, 但相比起熱情果那款,這款反而比較甜. 面頭既餅塊軟中帶點脆脆的,口感特別.

榛子mousse很滑很好吃,底層的檸檬醬偏甜,最喜歡餅底有點脆脆的.中間仲有一粒原粒榛子.

我們選擇了堂食,要加一. 不過有大大張很舒服既梳化, 旁邊仲有大電視睇,加一就豪比佢啦.

食完cake,我地就搭的士去噴水池個頭搵食了.

正值番工時間但噴水池依然很多人,大部份都係國內自由行同埋我地呢d香港人.
睇書介紹噴水池附近有一檔食平價煲仔翅好出名,所以就馬上睇地圖去搵了.
唔係好難搵,不過舊址搬左去幾間鋪前面,入到去人都唔多, 地方相當細.

有好多唔同既魚翅選擇,由十幾蚊到幾百蚊既都有.

我地揀左個最多人叫既魚肚煲仔翅($45)share試下先.

一煲其實都夠2個人食,不過如果想當正餐最好一人一煲.

好多魚肚同肉絲,魚翅我又多覺眼,不過都ok好食.

食飽飽後去再行入d,去到一條橫街會搵到一間十分出名既杏仁餅鋪 - 最香餅家.
呢間餅店係全澳門唯一一家用肥豬肉做杏仁餅既. (本來有張鋪頭相,可惜比另一半delete左../_\)
蛋黃豬肉杏仁餅($33)

粒粒杏仁餅($33)


買完3點幾我地就番去酒店拿key順便休息一下.
套房都幾大.






不過出面既view就差得多了...


小睡了一會,到5點幾左右,我地就慢慢行去新葡京食最人氣既自助山.

呢間自助山賣點在擁有200尺長既自助餐枱, 我早在5日前就打電話訂定了, 所以可以坐係最近自助餐枱既個幾張. 雖然係平日,但都爆滿哂,都幾誇張.

6點開始食2個鐘,梗係要計劃好點食最回本.
基本上乜都有得食,海鮮類什麼都有,仲有即捉即灼既大蝦!

頭盤先來半打生蠔,大蝦同三文魚先. 生蠔好肥美,中蝦鮮甜多膏, 三文魚都頗新鮮.

再來有牛油焗帶子,天婦羅蝦,長腳蟹,西冷扒,羊扒...等等. 牛油焗帶子很大粒又肥美;長腳蟹真係啖啖肉,不過蟹味唔係好濃; 西冷扒不特別不過ok好吃; 最令我印象深刻就係羊扒跟天婦羅蝦. 羊扒騷味濃郁肉質柔軟;天婦羅蝦真係驚喜,現炸即食熱騰騰十分脆,吃完馬上又吃了半打.
仲有燉湯: 土伏令燉冬瓜水鴨

雖然唔知真燉定假燉,不過湯頭十分甜又夠味就是了.
其他仲有好多菜式包括:多種咖哩, 燒味,沙律(蟹籽沙律一大盤!),魚生5款....等等講真出既都有. 人雖然多不過菜式實在太多而且refill得好快, 所以一定唔會冇得食.
到甜品時間了! 中式西式甜品乜都有,仲有個好大既5層朱古力噴泉!

最好食既唔係macaroon, 反而係好少buffet有既opera蛋糕.

濃郁既朱古力出奇地幼滑順口, 迷你size一口一件不知不覺又食左3,4件....

仲有chocolate cake, tiramisu等等, 奶油泡夫...等等, 都好好食.
仲有好多topping比你自己加既雪糕.

食完甜品最後衝刺再來多round炸蝦同鰻魚串...

埋單$210一位加一. 係香港絕對食唔到, 雖然食物質素唔可以要求10分滿分, 不過個人覺得同香港酒店既buffet水準巳差不多了,真的值得一試. 吃完呢餐保証你起碼3個月內唔會再食buffet.

食完行下新葡京大堂都不錯, 有很多好值錢既擺設.


食完8點幾由於開始落毛毛雨, 我地逛左一陣就番酒店訓覺, 一天旅程完滿結束.
創作者介紹
創作者 marshy 的頭像
marshy

Marshy is addicted to Food

marshy 發表在 痞客邦 留言(1) 人氣()


留言列表 (1)

發表留言
  • eventblog
  • 痞客邦活動小組報好康!即日起只要參加澳門部落活動,將最推薦親子同遊的澳門景點文章,同步分享到澳門部落活動,就有機會獲得"澳門豪華三天兩夜機+酒套裝行程",再度前往澳門旅遊喔!

    詳情請見活動官網http://2012macau_blog.7to.com.tw/rules.php