呢日約左家姐放工食飯聚下舊,2個人諗來諗來諗左好耐都唔知食乜好.
點知傾傾下原來大家都恨食左呢間吉列專門店好耐, 所以就決定食呢間.
不過打電話預約時原來當晚一早巳full哂,唯有放工時去即時walk-in等位.
大約7點鐘就到左,但都要等6-7張枱.門口雖然有3-4張椅子,不過一早巳經比人坐哂了.
齋企等左大約半個鐘左右,當時既人巳經多到堆滿哂成間餐廳門口(聽到好似巳經要排到等廿張枱了!!),好左呢個時候到我地了!


入到去眼見餐牌真係全部都係吉列既定食,如果唔食炸野既朋友真係冇野好食, 難怪一向討厭食炸野既妹妹一直都唔肯同我來.
我地2個人好興奮地叫左:

薯仔沙律($30)

薯仔沙律配料真係唔多,眼見既只有幾片紅蘿蔔同少許青瓜. 但主角薯仔不是一粒粒,而係攪碎哂,似是薯蓉一樣,再加埋沙律醬,又好好食wor.

滑蛋吉列豬扒飯($138)

百幾蚊一碗飯可能你會覺得唔係好值,但食過呢碗飯之後你一定會覺得好回味想下次再來食的. 佢既豬扒講到明係無醃過,但出奇地味道很濃郁!豬扒很鬆軟彈牙,又鮮嫩多汁;出面既吉列炸到剛剛好很香口又脆,但絕對沒有油膩感; 底下既不是一般既白飯,而是加了適量醬油既白飯,甜甜的很好吃啊!!唯一不完美的是滑蛋的火候頗為過長了一點.不過整體來說還是一碗滿分既豬扒飯啊!!

秘製日式菜肉湯($55)

菜肉湯既湯底其實還不過是味增湯,不過還加了紅蘿蔔跟薯仔塊同埋冬菇等配料入去,味道普通.

我們還點了一個自選定食: 一件豬柳(每件$40) + 1件大蝦(每件$35) + 2件炸生蠔(每件$35) + 2件炸帶子(每件$48) - 配白飯及味增湯
定食上枱前會給你一個碗自行磨芝麻的.

自己磨下磨下真的很好玩~一邊磨一邊還會聞到芝麻既香味. 連本來話我此舉白痴的家姐最後也忍不住自己也磨了一會.

仲有調味醬給你點吉列食物

吃海鮮最好吃是點這個他他醬, 真的很好吃啊!!旁邊的漬蘿蔔味道不夠入味.

吉列上場了!!大大盤的很壯觀啊!

先吃水份較多的帶子吧~

嘩!!肉很厚很鮮甜呀~~~很大顆的一個帶子. 好吃得跟家姐倆人久久不說話,只顧吃著這個鮮甜帶子.
生蠔是我的最愛.呢個又是一隻十分大又肥美多汁的生蠔啊!!!這個炸生蠔跟外間吃的完全是2回事.
炸蝦肉也是很厚,不過蝦味好像不太鮮,比帶子跟生蠔遜色了少許,但當然還是比外間一般的炸蝦好吃了.
最後的豬柳跟滑蛋豬扒的一樣美味, 真的很奇怪為什麼那麼厚的一舊豬柳/扒可以炸到內外的肉質都咁勻稱而且還那麼好吃~點埋剛剛磨好既芝麻加豬扒醬真的很香口鮮甜啊!!
旁邊既生菜絲也很鮮甜,加埋紫菜汁或柚子汁甜甜的更易入口. 最好的更加係吃完後侍應會不時過來免費無限量幫你加生菜絲的~

餐廳有好吃的當然也會有失水準的.
點了一客家姐最愛的蒸蛋($40)

小小的一個蒸蛋點了良久吉列都全部吃完才上枱. 面頭既2塊魚卷都凍了, 底下既蛋暖暖的不太熱,有濃濃的蛋味但不算很滑;最失敗是最後的幾粒蝦,又乾又鞋.咁差水準既蝦不如不放好了.

2個人最後吃了500多元.多謝家姐呢一餐.
吃到差不多9點出門口時還見到勁多人在排隊,可見呢間吉列專門店真係幾厲害.
最有趣是當晚居然撞到舊同事kelvin也在吃晚飯,而且還是坐隔離枱, 哈哈~真有緣~

井吉日本吉列專門店餐廳
Tonkichi Tonkatsu Seafood
尖沙咀廣東道100號彩星集團大廈B/F B?
tel: 2314 2998
arrow
arrow
    全站熱搜

    marshy 發表在 痞客邦 留言(0) 人氣()