Marshy is addicted to Food

出差前同老闆吃午飯同埋探望很久不見既佢2個可愛兒子.
12點左右來到觀塘既白木屋,我地算係第一枱既客人.


好耐無食過白木屋了, 所以當然點了幾款新推出既嘗試下, 同埋又點左幾款呢度幾好食既菜:

石燒豆乳意粉($55)

呢個豆乳意粉其實同煙肉忌廉意粉好相似. 意粉用偏幼同硬既,我最喜歡.個汁雖然比較多左d,不過味道算濃郁,講真豆乳味就無乜了,但作為一個忌廉汁來說算不錯了.加埋月見(生蛋)撈埋汁內,味道更見濃郁口感更豐腴.

自家製滋味黃金卷($32)

上枱時唔係太熱,夾起都幾軟綿綿的. 蛋味唔係太夠,外皮有點偏乾了, 不過整體還不錯.老闆的3歲兒子就很喜愛這個了,眼見佢食完一件又一件....人仔細細真係睇唔出...

日本山芋西芹沙律($38)

講真, 山芋我真係唔係好食得出.食到既完全係洋蔥同青菜既味道.反而內裡既甜椒絲幾新鮮, 整體味道頗清新.

吳豆腐 天婦羅($36)

呢味菜真係我認為係白木屋入面所有既菜式中最特別同最好食既第一位. 外面既脆醬不厚,薄薄的很脆又不油,內裡既豆腐不是平常吃的豆腐,而是很黏黏稠稠的,夾起也不會散掉. 外面香脆, 內裡清淡,2者配合起來真的十分好吃.

白汁南瓜焗皇帝蟹肉($46)

呢個新推出既小吃. 白汁滿滿的, 南瓜也沒有焗到變一pat pat, 還是有一粒粒的形狀.皇帝蟹呢...我就唔係好覺,只見4-5條仲幼過我手指尾既蟹腳,一口吃下,蟹中間既骨仲大塊過d蟹肉...呢味試過一次之後可以以後不叫也罷.

鰻魚壽司($25)/三文魚籽壽司($28)/日本芥辣鱆魚壽司($18)

鰻魚的很瘦小...還是峄壽司的好吃; 三文魚籽有很多,試過咁多間呢間算是不錯; 日本芥辣鱆魚的有微微的芥辣味道,帶點刺鼻不過也不錯.

3個大人加2個小朋友,點的食物不算多,但吃完也剛剛好了.因為老闆同佢先生席間不斷互相照顧完大兒子又再照顧小兒子,基本上真正坐下吃東西既時間根本不多...看到這情景,令我很感嘆做父母的真的很偉大啊~

白木屋居樂屋
觀塘觀塘道 418號創紀之城 5期 6樓 3
tel: 2561-8188