Marshy is addicted to Food

係九龍城食甜品好出名既金滿堂前排係九龍灣淘大開左分店.
呢晚吃完個好飽既dinner但係無甜品落肚硬係爭d, 所以經過呢間店就嚷住要入去了.


行到門口好彩地都唔洗等位, 見到咁多新奇既甜品配搭真係興奮, 樣樣都想試,都唔知點邊樣好.
不過一入到去就好大陣榴槤味,聞到咁吸引我地就即刻叫個榴槤系列來試試.

榴槤西米露 ($30)

另一半點的. 細細的一碗榴槤肉佈滿碗既面,好香榴槤味. 吃了一口, 西米露唔係好濃,但榴槤肉很柔軟是熟透的那種,2種配埋一起味道十分好. 西米比平常的要大粒一點, 咬落卜卜聲.

榴槤飄香 ($33)

榴槤飄香比西米露的大碗.面頭有西米露再加一堆黑籽~很好吃很有趙頭. 中間是一個大大的榴槤布甸,吃了外頭一啖,有點淡, 再吃多一口, 嘩!!很濃的榴槤味, 仲有好柔軟既榴槤肉!!原來布甸內裡仲藏左一大堆榴槤肉, 真係充滿驚喜又好好食的一個甜品! 個人覺得比滿記的還有心思.

我地仲試左佢大力推廣既粿子 ($15三個)

味道有10幾種, 又令人心大心細. 最後我地挑了紅豆綠茶,芒果同荔枝3種味. 粿子好煙韌,食落有種清涼的感覺~紅豆綠茶味既綠茶偏濃, 紅豆反而唔係咁多; 芒果味道唔係好濃,有點淡; 最好食係荔枝,內裡真的有一粒粒很細的荔枝肉,味道很像真.

呢度既甜品真係好好食, 而且款式亦很多. 除左食物好吃, 呢度既侍應全部都係好後生既男生,招呼人客既態度很不錯而且做野快手快腳.

金滿堂甜品
九龍灣牛頭角道77號淘大商場201號地舖
tel: 2751 8900