Marshy is addicted to Food

這天去探完姐姐的肥B,去了跟姐二人到風月堂嘆個下午茶談下心事.


奧海城既呢間風月堂下午茶時候人都唔係太多, 不過由於依家做緊匯豐信用卡甜品買一送一優惠,所以眼見既每枱都係食甜品多.
我地都叫左2個甜品同2個小食:

金菇牛肉卷($50)

一碟5件,每件都切開了一半方便入口. 金菇份量都幾多,包得滿滿的;牛肉老了一點,不過厚薄適中;醬汁調得最好,唔太濃又唔會好水,食完都唔會剩好多汁係碟入面.2個人食完呢個小食其實都有少少滯了...

燒銀雪魚($48)

銀雪魚本身都頗肥美肉厚,不過問題在於燒. 燒得亳不香亳不脆口, 令人沒甚心機再吃下去.

雜錦甜品碟($55)

甜品碟看來都幾簡潔,有士多啤梨乳酪,焦糖布甸同埋雲尼拿雪糕配窩夫. 士多啤梨乳酪唔甜的,帶微微的酸,吃完好清新又開胃; 焦糖布甸沒甚特別,焦糖味不濃,還好不是水水的; 反而最欣賞是這個雲尼拿雪糕配窩夫, 窩夫還是暖烘烘的,而且好鬆脆, 配埋雪糕吃真的很滋味.

鮮果雪山($60)

上枱時果真是一個幾大的雪山. 士多啤梨,奇異果,菠蘿及木瓜等等生果粒鋪滿雪山,外層是厚厚的忌廉,內裡全都是不同味道的雪糕球,有朱古力,芒果,士多啤梨,雲呢拿...等等足有5-6個好大的雪糕球.我們2人雖然是甜品痴, 但吃到最後剩下2個雪糕球真的吃不下...呢個甜品真的適宜3個人以上吃.

間唔中嘆下tea吃下甜品輕鬆下也不錯.
有匯豐卡其中一個甜品免費都幾抵, 下次想試下個朱古力雪山.

風月堂
Orchard Garden Cafe & Restaurant
大角咀海庭道18號奧海城 2 期 1 樓 102
tel: 2393 3959