呢日中午同老闆係尖咀見完客,順便就地食埋lunch了.老闆帶左我去一富豪酒店入面一家好似好隱蔽既日式居酒屋.門口好似好靜,點知一入到去,就好似去左日本一樣! 牆上面貼滿日文推介菜式,入面既全部都係日本人係度食飯,有單拖西裝友,有一堆堆著哂日本公司風褸既,各有不同.唯一其通點就係: 全部都係日本男人. 連店老闆都係日本男人. 唔講唔知原來呢間居酒屋都有十幾年歷史.


好彩入面有2-3個阿姐係識中文.
午餐全部都係好日式既定食, 有親子蓋飯,炸豬排飯...等等. 我老闆推介漢堡扒定食係最正, 咁當然要點來試下了.

漢堡扒定食($70)

一來當然最重要係試下佢既白飯有冇日本咁好食啦. 食落雖然都係冇係日本食個d珍珠米咁飽滿咁甘香, 但都有8成似, 比出面好多既日式餐廳好食多了. 主角漢堡扒好厚好鬆軟,肉質偏乾左少少,不過配埋佢既醬汁就剛剛好,味道濃郁.配菜既蕃茄好新鮮好多汁wor,生菜絲也十分不錯.
飯後個熱咖啡細細杯,濃濃既咖啡甘香,飲完成個人都精神哂~

雖然我老闆說今次既漢堡扒比佢以前食既水準下降左, 不過自己感覺好滿足. 因為除左食物好有日本風味,成間居酒屋既氣氛都好有濃厚日式感覺,令我好似重返日本一樣. 午餐埋單每人都係幾十蚊, 十分滿足, 不過唔係尖咀番工平日就難d食到, 要等星期6,日先可以來, 不過就冇左滿店都係日本人既個重崇日感了.

鳥燒居
Nishiki Japanese Restaurant
尖沙咀麼地道71號富豪九龍酒店1樓
tel: 2723-8660


arrow
arrow
    全站熱搜

    marshy 發表在 痞客邦 留言(0) 人氣()