Marshy is addicted to Food

之前係網上不斷睇到呢間食米線既點好食,點抵食,個個都激讚,攪到十分想試下.不過自己路盲,所以成日都唔知點去. 是日同另一半係觀塘周圍行,終於搵到呢間既觀塘分店,興奮至極,當然嚷住要入去試試啦.


入到去12點幾都唔係太多人,唔洗點等位就有位,仲係唔洗搭枱,真係好.
見到餐牌, 真係幾抵wor! d餸都有幾多選擇,而且湯都居然有3種可以選.
我要左: 牛肉,豬潤,牛丸米線清湯底($27)

上枱時都嚇左我一跳,十分大碗.仲有芽菜九菜做配料.牛肉同牛丸都係普通水準,唔會話十分好食,但都不錯.反而最有驚喜係豬潤,我一向食豬潤都好挑剔,老少少既都食唔入口.但係佢既豬潤淥到剛剛熟既狀態,仲有少許粉紅色,又滑又嫩,極之正! 不過豬潤份量少左d. 米線份量就超級多,如果唔太大食既女仔,其實一碗share都夠.我自己食左3分1就投降了....

蒜泥白肉(細:$19)

上枱時又嚇了我一跳,因為成碟都係紅色,以為好辣一定食唔落口. 點知試左一片,完全唔辣的,好香麻油蒜蓉味.細碟既一碟都有5-6片.肉雖然薄,但都好有咬口又不失柔軟,其實唔需要咁多蒜蓉都巳經好好味了.

順帶一提, 另一半叫左個小麻辣湯底,上枱時見佢個湯白色以為無料到, 飲左一啖,嘩!!!嗆到暈,要即刻隊番半杯野飲先清除到佢既麻辣味,小辣都巳經咁勁, 大辣唔知會唔會食到噴火呢??^0^

2個人埋單都係$78,真係十分抵食. 下次有機會要多d幫襯.

譚仔雲南米線
觀塘康寧道25-39號地下4號舖
tel: 2142 6568