搵食篇 - 金鳳大餐廳 @ Marshy is addicted to Food

呢晚約番哂d舊同事來個晚飯聚一聚. 正當大家苦惱緊食咩又飽肚又好食好平之制, 男同事彈出一句: 不如据排啦. 好! 橫店好耐都未据過排. 不過依家既西餐廳据塊排閒閒地都百幾二百蚊,唯獨有一間港式老字號西餐廳依然逆市而行, 重要係出名好食夾大件. 我諗全港只有佢做得到: 金鳳大餐廳.

不過叫得老字號, 重要平夾正, 去到就梗係要守下規距架啦: 人數未過半唔準入座. 好彩我地6個人叫左其中3位去等位先, 所以好快就有位坐. 眼見成場full哂,仲有幾枱人係門口等緊, 難得呢間尖沙咀分店開係橫街都咁旺, 難怪入面枱既距離勁近, 而且仲有機會搭枱. 睇睇餐牌, 嘩~~真係令我想番起以前住係灣仔去灣仔個間分店食既童年回憶~~最難得係佢既價錢仲係做緊幾十蚊一個餐, 配菜都係十多蚊, 真係去邊度搵.

同朋友來呢度最好, 一人一個餐,唔洗share唔洗爭.

餐包

上枱時巳經凍了,最重要既得分環節巳經扣哂, 好在面包仍然軟熟.

餐湯 - 酥皮海鮮周打湯 (跟餐加$10)

酥皮麻麻地,好厚有點硬.個湯好'傑'好濃忌廉,材料普通,內裡既雜菜條比較多. 不過加10蚊有個酥皮仲想點....

蒜蓉蘇格蘭牛排餐 ($59)

呢個餐簡直可以用'大堆頭'來形容. 塊排仲差d大過塊鐵板,仲要成吋幾厚. 但係唔好以為咁厚好硬, 一切落去好'淋'好軟,食落好柔軟而且好有肉味.蒜蓉都勁多,其實個人覺得唔洗太多,唔係會搶走左肉既味道. 不過雖然好食, 但眼見除左我之外個個同事都起碼食淨一半.所以如果食量唔係太大既女仔其實可以叫一個大家share都好夠.

另外仲散叫左d菜:
蒜蓉炒白菜仔 ($10)