目前日期文章:200711 (7)

瀏覽方式: 標題列表 簡短摘要
呢晚約番哂d舊同事來個晚飯聚一聚. 正當大家苦惱緊食咩又飽肚又好食好平之制, 男同事彈出一句: 不如据排啦. 好! 橫店好耐都未据過排. 不過依家既西餐廳据塊排閒閒地都百幾二百蚊,唯獨有一間港式老字號西餐廳依然逆市而行, 重要係出名好食夾大件. 我諗全港只有佢做得到: 金鳳大餐廳.


不過叫得老字號, 重要平夾正, 去到就梗係要守下規距架啦: 人數未過半唔準入座. 好彩我地6個人叫左其中3位去等位先, 所以好快就有位坐. 眼見成場full哂,仲有幾枱人係門口等緊, 難得呢間尖沙咀分店開係橫街都咁旺, 難怪入面枱既距離勁近, 而且仲有機會搭枱. 睇睇餐牌, 嘩~~真係令我想番起以前住係灣仔去灣仔個間分店食既童年回憶~~最難得係佢既價錢仲係做緊幾十蚊一個餐, 配菜都係十多蚊, 真係去邊度搵.

同朋友來呢度最好, 一人一個餐,唔洗share唔洗爭.

marshy 發表在 痞客邦 留言(0) 人氣()

和民居酒屋係香港都開多好幾年,大大話話分店都有好多間, 我諗都冇乜邊個香港人未食過呢間港式日本居酒屋. 想當年剛開業既時候人山人海, 唔等上一個鐘都唔洗旨意有位(尤其銅鑼灣個間). 不過近期熱潮逐漸減退,呢晚晚飯時間行經德福分店,都ok唔洗等位, 見咁耐冇食過, 所以就試下佢既秋之特選吧.



餐牌同以前都係差不多, 所以就專攻佢季節限定既秋之料理吧.

marshy 發表在 痞客邦 留言(0) 人氣()

呢日係老爸生日,一家人聚埋食個晚飯慶祝. 唔想再留係德福,就近近地衝出去九龍灣既megabox吧.
Megabox冇野多,係餐廳最多.好, 先來會一會呢間食山東菜既魯一居吧!


去到發現其實訂唔訂位都冇咩關係,因為晚飯時間都唔係好多人,我睇成個場坐左一半人左右.
一坐低就有2小盤涼伴豆腐乾.

marshy 發表在 痞客邦 留言(1) 人氣()

是夜約了朋友係尖咀傾野.正值晚飯時間,行到亞士厘道最多餐廳既街,出名個幾間都排哂長龍.由於大家都唔係太肚餓, 見到有間日式料理標榜碟碟$10. 見冇乜人, 我地亦志不在食,純粹搵地方傾野,所以就試下呢間吧.



入到去一如所料,真係冇咩人.唔洗等就有位坐.點菜基本上唔洗麻煩侍應, 因為枱上一早巳準備定一疊點菜紙, 上面既野全部都係$10. 有刺身,壽司,拉面,意粉,飯,沙律,串燒,天婦羅,小食甚至火鍋都有.另加一個餐牌比你睇每款菜式既相,都尚算細心.

marshy 發表在 痞客邦 留言(0) 人氣()

星期日冇人陪自己行街,行到肚餓想食野,唔想食太貴但又唔想食快餐,想到不如入秋最好食碗熱騰騰既煨麵,就自己一個人行左入去呢間上海店.


呢度食小籠包出名就係人都知(好食與否見仁見智...),今次試下佢既其他野.
煨麵既種類其實好少, 都冇乜可以選擇.所以叫左個最基本既嫩雞煨麵($38)

marshy 發表在 痞客邦 留言(0) 人氣()

食完出名既松記糖水,點可以唔行去旁邊既紅伶飯店買返d'手信'返去呢~
呢間紅伶飯店食既係潮州打冷野,鋪頭細細但都坐滿人,仲坐到出路邊.門口貼滿雜誌報導,連食家蔡欄都讚過.


呢度最出名既唔係打冷小菜, 而係佢既白灼八爪魚同白灼墨魚.
我又發揮貪心本色, 所以決定來個雙併($50).

marshy 發表在 痞客邦 留言(0) 人氣()

係德福住左成年, 觀乎呢度既食店樣樣都有, 唯獨就係欠缺了一間中式糖水鋪.
呢晚家姐過來探親食飯, 講起呢樣野,大家忽然心血來潮十分想食一碗糖水, 所以就揸車去搵好味既糖水. 最近食過真正好味道, 令人回味既糖水唯有呢間松記.


係呢度有一個好處係除左佢既糖水好食之外, 你仲可以發揮你既大貪本色,加呢樣個樣,加乜都得.
難得'出城'既我來到梗係貪一貪先:

marshy 發表在 痞客邦 留言(0) 人氣()